Jean-Claude Merlin

Jean-Claude Merlin
Persona informo
Naskiĝo	3-an de septembro 1954 (1954-09-03) (70-jaraĝa) en Le Creusot
Lingvoj	franca
Ŝtataneco	Francio
Okupo
Okupo	astronomo
v • d • r

Jean-Claude MERLIN (naskiĝis en 1954) estas franca astronomo.

Li estis prezidento-fondinto de la Société Astronomique de Bourgogne (Astronoma Societo de Burgonjo) en 1975, premiito de la Bourse de la Vocation (Stipendio por la Alvokiĝo) de la Fonduso Marcel Bleustein-Blanchet en 1982^[1] kaj de la Premio Georges Bidault de L'Isle de la Société astronomique de France (Astronomia Societo de Francio) en 1999.^[2]

Laŭ Minor Planet Center, li malkovris 64 asteroidojn^[3] inter 1997 kaj 2010. La asteroido 57658 Nilrem^[4] estis nomita en lia honoro: "Nilrem" estas "Merlin" skribita inverse.

Li verkis plurajn librojn pri la asteroidoj kaj la kometoj, kaj unu eseon pri la klimata ŝanĝo.^[5]

En 2015 li proponis ke IAU nomu asteroidojn, kiujn li malkovris, en memoro de desegnistoj murditaj dum la atako en la redaktejo de Charlie Hebdo.^[6]

1. ↑ Fondation Marcel Bleustein-Blanchet pour la vocation: la laŭreatoj (serĉu "Jean Claude Merlin") (france)
2. ↑ Premioj de la "Société Astronomique de France" (Arĥivo) (france)
3. ↑ MPC listo de asteroidaj malkovrintoj(angle)
4. ↑ JPL Small-Body Database Browser 57658 Nilrem (2001 UJ₁) (angle)
5. ↑ Comment va la Terre? Climat et réchauffement (france)
6. ↑ Astronomo proponis nomi asteroidojn Charb, Cabu, Tignous kaj Wolinski Arkivigite je 2015-01-10 per la retarkivo Wayback Machine (france)