Kecalo

Tiu ĉi artikolo temas pri la birdospecio kecalo. Pri la samnoma valuto de la ŝtato Gvatemalo, kiu ricevis sian nomon laŭ la birdo, vidu la artikolon Gvatemala kecalo.

kecalo
Maskla kecalo Femala kecalo
Biologia klasado
Regno: Animaloj Animalia Filumo: Ĥorduloj Chordata Klaso: Birdoj Aves Ordo: Trogonoformaj Trogoniformes Familio: Trogonedoj Trogonidae Genro: Pharomachrus Specio: Ph. mocinno
Dunomo
Pharomachrus mocinno (De la Llave, 1832)
Konserva statuso
Konserva statuso: Preskaŭ minacata
Aliaj Vikimediaj projektoj
Sistematiko en Vikispecioj
Komunejo pri kecalo
v • d • r

Kecalo, brilkecalo aŭ kvecalo estas speco de birdo (Pharomachrus mocinno) el la ordo de trogonoformaj, kun longa vosto, belkolora plumaro, vivanta en Centrameriko.

Temas pri buntaspekta birdo de la familio de trogonedoj. Ĝi troveblas de suda Meksiko (sub Jukatano kaj ĉe la pacifika marbordo) ĝis okcidenta Panamo. Malkiel aliaj kecaloj, kiuj troviĝas ankaŭ en Sudameriko kaj orienta Panamo), la brilkecalo vivas nur en Centrameriko. Ekzistas du subspecioj: la pli norde hejma P. m. mocinno (Pablo de la Llave, 1832^[1]) kaj P. m. costaricensis (Cabanis, 1869), la brilkecalo de Kostariko. Kostariko kaj Panamo estas la nuraj landoj, kie vivas konstante abundaj populacioj.

Tiu neotropisa birdo ludas gravan rolon en la mitoj de Mezameriko.

1. ↑ ITIS 553589. Arkivita el la originalo je 2005-11-29. Alirita 2010-06-23 .