kern.punkto (aŭ kern.punkto.info) estas esperantlingva podkasto de Johannes Mueller kaj Eva Fitzelová. Ĝi komenciĝis en 2014 kaj ĝi fokusiĝas al temoj pri Interreto, vojaĝado, scienco, sonregistrado kaj socio.[1] Ĝi estas disponebla laŭ permesilo Krea Komunaĵo Atribuite-Samkondiĉe 4.0.
Dum KAEST 2014 en Modra (Slovakio) okazis prelego pri podkastoj kiu estas samtempe unu el epizodoj de kern.punkto.[2][3] La podkasto estis ankaŭ unu el la temoj de podkasto Varsovia Vento januare 2015.[4]
Dum la jaroj de la elsendado aperis en la podkasto kiel gastoj ankaŭ pluraj konataj esperantistoj – ekz. Chuck Smith aŭ Rainer Kurz.
- ↑ kern.punkto (2014). Arkivita el la originalo je 2014-11-05. Alirita 2015-03-18 .
- ↑ KAEST Prelegoj (2014). Alirita 2015-03-18 .
- ↑ Mueller, Johannes; Eva FITZELOVÁ. kern.punkto KP006 Sonregistrado (2014-11-16). Alirita 2015-03-18 .
- ↑ Varsovia Vento (2015-01-30). Arkivita el la originalo je 2015-02-16. Alirita 2015-03-18 .