Klorita acido

Klorita acido
Alternativa(j) nomo(j)
Hidrogena klorito
Kemia formulo	HClO2
PubChem-kodo	24453
ChemSpider kodo	22861
CAS-numero-kodo	13898-47-0
Fizikaj proprecoj
Molmaso	68.4597 g mol−1
Smiles	OCl=O
Solvebleco	Akvo: Tre solvebla
Acideco (pKa)	1,93-1.97
Pridanĝeraj indikoj
Danĝero O Oksidiga agento E Eksplodo- danĝera
GHS etikedigo de kemiaĵoj[1]
GHS Damaĝo-piktogramo
GHS Signalvorto	Damaĝo
GHS Deklaroj pri damaĝoj	H271, H314, H318
GHS Deklaroj pri antaŭgardoj	P260, P264, P280, P301+330+331, P303+361+353, P305+351+338, P310, P363, P405, P501
Escepte kiam indikitaj, datumoj estas prezentataj laŭ iliaj normaj kondiĉoj pri temperaturo kaj premo (25 °C kaj 100 kPa)

Klorita acido aŭ HClO₂ estas neorganika kombinaĵo klasita kiel malforta acido. La klorita acido estis malkovrita de Humphry Davy (1778-1829), en 1815^[2]. Ĝi estas forte oksidiga substanco konata nur en solvaĵo kaj en la formo de ties saloj: la kloritoj, samkiel la natria klorito aŭ NaClO₂. Oni devas multe prizorgi dum ĝia preparado pro ties eksplodemaj proprecoj, kiuj ofte estas perfortaj.

Klorita acido estas gaso brile flavecaverda kaj posedas aromatan odoron, ne tiu propra de la kloro. En meditemperaturo, ĝi ne estas atakata de simplaj brulsubstancoj escepte de la fosforo, kiu brulas kaj makomponigas ĝin, per brilaj flamoj dum la miksaĵo de kloro kaj oksigeno restas en la solvaĵo. La pura substanco estas malstabila, disproporcia^[3] inter hipoklorita acido (oksidastato de kloro +1) kaj "klorata acido" (oksidastato de kloro +5).

Kvankam la acido estas tre malfacila estigi kiel pura substanco, la konjuga bazo, klorito, derivita el ĉi tiu acido estas stabila. Unu ekzemplo de ĉi-tiu salo kun tiu anjono estas la bone konata natria klorito. Ĉi-saloj kaj aliaj rilataj estas kelkfoje uzataj en la produktado de klora duoksido aŭ ClO₂.

En la jono klorito ClO₂⁻ de la klorita acido, la negativa ŝarĝo kuŝas dividita inter la du oksigenatomoj, kaj ĉar la protono proksimiĝas al unu el la oksigenatomoj, en la estigado de la ligo O-H, tiu altiro supozeble estus malpli forta ol en la kazo de la hipoklorita acido. Tamen, la Konstanto pri dissociigo de acidoj por la klorita acido hipoteze estas pli granda ol tiu de la hipoklorita acido.

1. ↑ LabChem. Arkivita el la originalo je 2020-03-11. Alirita 2017-06-19 .
2. ↑ Elements of Chemistry: Including the Actual State and Prevalent Doctrines of ..., Edward Turner
3. ↑ Disproporcio estas ekvilibro de iu kemia substanco ene de solvaĵo. Ekzemple, la misproporcio de la klorita acido en akva solvaĵo laŭ la supra ekvacio, balancante inter la oksidastato +1 kaj +5.