Kolubredoj

Kolubredoj
Biologia klasado
Regno: Animaloj Animalia Filumo: Ĥorduloj Chordata Klaso: Reptilioj Sauropsida Ordo: Skvamuloj Squamata Subordo: Serpentoj Serpentes Familio: Kolubredoj Colubridae Oppel, 1811
Subfamilioj
Boodontinae Calamariinae Colubrinae - Kolubrenoj Dipsadinae Homalopsinae Natricinae - Natrikenoj Pareatinae Psammophiinae Pseudoxenodontinae Pseudoxyrhophiinae Xenodermatinae Xenodontinae incertae sedis vidu tekston por genroj
Aliaj Vikimediaj projektoj
Sistematiko en Vikispecioj
Komunejo pri Kolubredoj
v • d • r

Kolubredoj (Colubrid < latina: coluber 'serpento') estas familio de serpentoj. Ĝi estas vasta grupiĝo en kiu estas pli ol la duono de ĉiuj serpento-specioj. La korpon de kolubredo kovras skvamoj. Kvankam la kolubredoj plejparte ne estas venenaj (aŭ havas venenon ne danĝeran por homoj) kaj kutime estas sendanĝeraj, iuj, ekzemple tiuj de genroj Boiga, Coluber (kolubroj) kaj Rhabdophis, povas mordi kun rezultoj medicine traktendaj. Krome, kaj Dispholidus typus kaj la Afrika bastonserpento mortigis homojn. La venen-transdonantaj dentoj de la venenaj kolubredoj estas en la buŝ-malantaŭo, malkiel ĉe la viperedoj kaj elapedoj.