Konektikuto

Konektikuto State of Connecticut
(Flago de Konektikuto) (Sigelo de Konektikuto)
Ŝtata kromnomo: The Constitution State, The Nutmeg State
Aliaj subŝtatoj de Usono
Ĉefurbo	Hartford
Plej granda urbo	Bridgeport
Guberniestro	Ned Lamont (ekde 9-a de januaro 2019)
Areo	14.357 km² (48)
- Tero	12,559 km²
- Akvo	1.809 km² (12,6 %)
Loĝantaro (2020)
- Loĝantaro	3 605 944 (29-a)
- Denso	285 /km² (4-a)
Aliĝo
- Dato	9-a de januaro 1788
- Ordo	5
Horzono	Eastern: UTC-5/-4
Latitudo	40° 58′ N al 42° 03′ N
Longitudo	71° 47′ U al 73° 44′ U
Larĝeco	113 km
Longeco	177 km
Alteco
- Plej alta	725 m
- Meza alteco	150 m
- Plej malalta	0 m
Mallongigoj
- USPS	CT
- ISO 3166-2	US-CT
Retejo	ct.gov
v • d • r

Konektikuto (angle Connecticut [koNETikat]) estas usona subŝtato en la nord-orienta regiono Nov-Anglio. Ĝi estis unu el la 13 pra-usonaj kolonioj, kiuj ribelis kontraŭ la brita rego dum la Usona Revolucio.

Konektikuto limas okcidente al Nov-Jorkio, norde al Masaĉuseco, oriente al Rod-Insulo kaj sude al la fjordo Long Island. Sud-okcidenta Konektikuto proksimas al la urbego Nov-Jorko. Konektikuto estas la 29-a plej multhoma usona ŝtato, kun 3,5 milionoj da loĝantoj (2005), kaj ĝi estas la tria plej malgranda ŝtato. La rivero Konektikuto fluas suden tra la mezo de la ŝtato.

Konektikuto konsistas el 169 urboj. Hartford estas la ĉefurbo kaj la dua plej multhoma urbo. La plej multhoma urbo estas Bridgeport. Aliaj grandaj urboj estas New Haven, Stamford, Waterbury kaj Norwalk.

Konektikuto estas konata pro sia riĉeco. El la usonaj ŝtatoj, ĝi havas la plej altan averaĝan enspezon (po $54.117 por ĉiu homo en 2007).