Korfloretoj

Korfloretoj estas specio de florplanto el la familio de papavacoj, kun origino en Siberio, norda Ĉinio, Koreio kaj Japanio. Tie ĝi aperas en montaraj foliarbaroj, en altecoj de 30 ĝis 2400 metroj. Ĝi estas la sola specio de la monotipa genro Lamprocapnos sed ankoraŭ ofte estas nomata per sia malnova nomo Dicentra spectabilis,^[1] nun indikita kiel sinonimo. Ĝi estas tre ŝatata en ĝardenoj kaj floristejoj pro ĝiaj korformaj rozaj kaj blankaj printempaj floretoj.

Lamprocapnos
Biologia klasado
Regno: Plantoj Plantae Divizio: Angiospermoj Magnoliophyta Klaso: Dukotiledonoj Magnoliopsida Ordo: Ranunkolaloj Ranunculales Familio: Papavacoj Papaveraceae Genro: Lamprocapnos Specio: L. spectabilis
Dunomo
Lamprocapnos spectabilis
Aliaj Vikimediaj projektoj
Sistematiko en Vikispecioj
v • d • r

Se korfloro aŭ sanganta koro estas taŭga nomo por unuopa floro la planton oni prefere nomu korfloretoj aŭ lamprokapno spektinda. Pro la formo de siaj floroj, similaj al koroj kun larmo sube, ĝi akiris multe da diversaj popolaj nomoj: rompitaj koroj, sangantaj koroj, gutantaj koroj, ĝanetfloretoj, marifloretoj, terfumo kaj ankoraŭ aliaj.

1. ↑ Vidu "Dicentro spektinda" en Plurlingva nomaro de sovaĝaj plantoj en Eŭropo, Bernhard Eichkorn - A. Gmeiner, 1988 - ISBN 90-70074311.