Back Kronos Afrikaans ክሮኖስ Amharic Crono AN كرونوس Arabic كرونوس ARZ ক্ৰণচ Assamese Cronos AST Kron Azerbaijani Кронос Bashkir Kronos BAR
 | Ĉi tiu artikolo temas pri rolulo kaj titano en helena mitologio. Por dio de tempo en helena mitologio rigardu la paĝon Ĥrono. Koncerne aliajn signifojn aliru la apartigilon Krono. |
| Krono | |
|---|---|
| Originala nomo | Κρόνος |
| Sekso | vira |
| Eble sama | Saturno, astrologia Saturno |
| Familio | |
| Patro | Urano |
| Patrino | Geo |
| Edzo/Edzino | Rea |
| Infanoj | Zeŭso, Hestia, Hadeso, Posejdono, Demetra, Hera, Enyalius, Kirono, Dolops, Erinioj, Mojroj, Krejo, Doloncus |
| Amkunuloj | Hejmarmeno, Evonyme |
Krono (greke Κρόνος, Krónos) estas en la helena mitologio laŭ la Pelasga mito pri ekesto de la mondo filo de Eŭrinomo kaj serpento Ofiono. Kune kun Rea li estis, kiel ĉiu el la titanoj disponigita al unu el la stelaj potencoj, en lia kazo tio estis Saturno. Laŭ la Homera mito pri kreo de la mondo li estis la plej juna filo de grekaj dioj Urano kaj Geo. En la romia mitologio Saturno nomiĝas latine Saturnus.
Jam ĉirkaŭ la 7-a jarcento a.K. oni unuigis lin kun la personigo de tempo – helene Χρόνος (Ĥronos), kio tamen estas etimologie malĝusta. Komence temis pri du diversaj dioj, kiuj en multaj interpretoj kuniĝis. Demando pri ĝusta origino de la vorto estas diskutebla, eble ĝi estas derivita de la vorto kraino. Sed pli verŝajna estas, ke la nomo havas la antaŭgrekan originon kaj ankaŭ la krona kulto estis transprenita el la antaŭgreka tradicio.