La Centristoj (Francio)

La Centristoj
Les Centristes (LC)
partio
Lando	Francio
Parlamenta(j) periodo(j)	14-a parlamenta periodo de la kvina Respubliko
Estro	Hervé Morin (prezidanto)
Ĝenerala sekretario	Philippe Vigier
Kasisto	Charles de Courson
Fondiĝo	La 29-an de majo 2007 16-a - 17-a de majo 2008 (fonda kongreso)
Ĉefa sidejo	84, rue de Grenelle, Parizo, 17-a arondismento
Koloro(j)	blua kaj ruĝa
Ideologio	Dekstre Centrisma socialliberalismo liberalismo kristana demokratio eŭropa federaciismo
Nacia Asembleo	François Zocchetto (Centrisma Alianco (AC)) 8 / 577
Senato	Jean-Louis Borloo (Unuiĝo de Demokratoj kaj Sendependuloj (UDI) 8 / 348
Eŭropaj deputitoj	Joseph Daul (PPE) 1 / 74
Membroj	7 319 (februare 2012)[1]
Retejo	www.le-nouveaucentre.org
v • d • r

La Centristoj (LC) (france "Les centristes") estas franca centra-dekstra partio. Ĝia orientiĝo estas liberala, humanisma kaj eŭropa.

La statutoj estis deponitaj komence kun la nomo Eŭropa Liberala Sociala Partio (france "Parti social libéral européen") de la malnovaj membroj de Unuiĝo por Franca Demokratio (UDF), kiuj malkonsentis kun la decido de François Bayrou kaj de la nacia konsilio de la 10-a de majo 2007 celanta krei la partion Demokrata Movado (MoDem) por postsekvi UDF, antaŭ ol rapide uzi la nomon "La Nova Centro" (france "Le Nouveau Centre"). La 11-an de decembro 2016, ĝi ŝanĝis sian nomon por "La Centristoj".

Sekve de la deputitaj balotoj de 2007, en kiu ĝi gajnis 17 deputitoj sub tiu standardo, ĝi disponis en la nacia Asembleo je parlamenta grupo ariganta 23 membrojn (kaj 2 alligitaj). En februaro 2012, la Nova Centro enhavis 7 319 aliĝintojn^[1]. La Nova Centro estis inter la politikaj fortoj, kiuj origine fondis la partion Unuiĝo de Demokratoj kaj Sendependuloj (UDI) en septembro 2012, antaŭ ol forlasi la aliancon en 2017.

1. ↑ ^{1,0 1,1} Noto : membroj kun voĉodonrajto, « Nova Centro : Hervé Morin gajnis prokraston », gazeto Le Figaro, la 25-an de februaro 2012.