La Mastro de l' Ringoj

Por aliaj signifoj, bv. rigardi la apartigilan paĝon: La Mastro de l' Ringoj (apartigilo)

The Lord of the Rings
romanserio • literatura trilogio • serio de verkoj
Aŭtoroj
Aŭtoro	John Ronald Reuel Tolkien
Lingvoj
Lingvo	angla lingvo
Eldonado
Eldondato	1954
Loko	Unuiĝinta Reĝlando (Britio)
Eldonejo	George Allen & Unwin Limited
Ĝenro	fantasto • alta fantasta fikcio • aventura fikcio
Loko de rakonto	Mez-Tero • la Provinco • Mordoro • Gondoro • Lotlorieno • Rohano
Honorigoj	NPR Top 100 Science Fiction and Fantasy Books • International Fantasy Award • Prometeo-Premio • La 100 libroj de la 20-a jarcento laŭ Le Monde
Partoj • La Kunularo de l’ Ringo • La Du Turegoj • La Reveno de la Reĝo • Prologue • Appendices of The Lord of the Rings vd
Roluloj Roluloj de Mez-Tero • Aragorno • Bilbo Baginzo • Boromiro • Elrondo • Eovina • Faramiro • Frodo Baginzo • Galadriela • Gandalfo • Gimlio • Golumo • Legolaso • Gajadoko Brandoboko • Peregrino Tjuko • Samsaĝo Vato • Sarumano • Teodeno • Éomer • Saŭrono • Buŝo de Saŭrono • Radagasto • Arbobarbo • Sorĉmastro de Angmaro • Isilduro • Denetoro • Grimo la Vermlanga • Glorfindelo • Tom Bombadiljo • Tranduilo • Arvena • Gil-Galado • Gvatanto de la Akvo • Celeborno • Cirdano • Beregond vd
v • d • r

La Mastro de l' Ringoj (angle The Lord of the Rings /ðə lɔːd əv ðə ɹɪŋz/) estas la ĉefverko de Tolkien, kaj ofte konsiderata unu el la ĉefverkoj de literaturo.

Post la sukcesega apero de La Hobito (1937), lia eldonisto Rayner Unwin petis al Tolkien skribi iom pli pri hobitoj. Tolkien mem ne vere deziris tion; li pentis pri la infaneca stilo de La Hobito kaj preferis finskribi kaj eldoni sian vivoverkon Silmariliono. Tamen, li komencis novan hobitan aventuron, kiu baldaŭ evoluis, kunplektiĝante kun la Silmariliona mitologio kaj tute eskapante la regon de la aŭtoro. Dum ĉirkaŭ 20 jaroj li dumvespere kaj nokte verkis, reverkis, plibonigis mitojn kaj lingvojn kaj mapojn, tajpis kaj retajpadis. Fine, rakontego en ses libroj kun pli ol mil paĝoj kaj eksterrakonta informoaldono pretis. La eldonejo tamen decidis eldoni ĝin kiel tri librojn, jene:

• La Kunularo de l' Ringo (angle The Fellowship of the Ring [ðə 'fɛloʃɪp əv ðə rɪŋ], 1954)
• La Du Turegoj (angle The Two Towers [ðə tu: 'taʊɜz], 1954)
• La Reveno de la Reĝo (angle The Return of the King [ðə ri'tзn əv ðə kɪŋ], 1955)

Tamen, sian tutmondan populariĝon vere akiris la libro nur kiam aperis malmultekosta eldono kaj kiam ĝi furoris inter la hipioj en Usono dum la 1960-oj.

La Mastro de l' Ringoj jam tre influis modernan literaturon. Ĝi estis ekpafo por tute nova ĝenro moderna fantasto kaj kvazaŭ Biblio por la Hipia revolucio. Ĝi ankaŭ estis la inspiro por centoj da filmoj kaj la rekta instiganto de kelkaj, plej ĵuse la Mastro de l' Ringoj-trilogio fare de Peter Jackson, kies unuaj du filmoj aperis (2001, 2002). Pro ĝia vasta aprezateco, la literaturaj fakuloj ne multe interesiĝis pri ĝi, senkone kaj superface juĝantaj ĝin banalaĵo, kaj tial Tolkien neniam ricevis la Nobelan literaturpremion. Ĉiukaze, multaj kritikoj konsideras la verkojn geniaj kaj unikaj, kies komparojn kaj komprenigojn oni ne serĉu inter modernaj psikologiaj romanoj, sed inter verkoj de la Romantikismo kaj de la Mezepoko (sagaoj, mitoj ktp.).