Luva lingvo

La luva lingvo estas antikva lingvo, aŭ grupo de lingvoj, ene de la anatolia branĉo de la hindeŭropa lingva familio.

La etnonimo luva devenas de Luvia - la nomo de la regiono en kiu loĝis la luvianoj. Luvia estas atestita ekzemple en la hititaj leĝoj.

La du specoj de pra-luva aŭ luva (en la mallarĝa signifo de ĉi tiuj nomoj) estas konataj laŭ la manuskriptoj en kiuj ili estis skribitaj: kojnskriba luva kaj hieroglifa luva. Ne ekzistas konsento pri tio, ĉu ĉi tiuj estis unu lingvo, aŭ du proksime rilataj lingvoj.

Ĉi tiu artikolo ankoraŭ estas ĝermo pri historio kaj lingvo. Helpu al Vikipedio plilongigi ĝin. Se jam ekzistas alilingva samtema artikolo pli disvolvita, traduku kaj aldonu el ĝi (menciante la fonton).