Mae West

Mae West
Persona informo
Mae West
Naskonomo	Mary Jane West
Naskiĝo	17-an de aŭgusto 1893 (1893-08-17) en Broklino, Nov-Jorko,  Usono
Morto	22-an de novembro 1980 (1980-11-22) (87-jaraĝa) en Los-Anĝeleso,  Usono
Mortis pro	Naturaj kialoj vd
Mortis per	Apopleksio vd
Tombo	Cypress Hills Cemetery (en) vd
Lingvoj	angla vd
Ŝtataneco	Usono vd
Subskribo
Familio
Edz(in)o	Guido Deiro (en) (1914–1920) vd
Profesio
Alia nomo	Jane Mast vd
Okupo	dramaturgo verkisto teatra aktoro komikisto aŭtobiografo kantisto filmaktoro scenaristo televida aktoro aktoro vd
Aktiva dum	1911–1978 vd
Honorigoj Honorigoj  stelo sur la Trotuaro de famo en Holivudo vd
vd	Fonto: Vikidatumoj
v • d • r

Mary Jane "Mae" West (17an de aŭgusto, 1893 – 22an de novembro, 1980)^[1] estis usona aktorino, kantistino, dramaturgo, scenaristo, komediisto, kaj seksa simbolo kies distrartista kariero daŭris sep jardekojn, konata pro sia frivola duoblesencemo kaj forta seksa sendependeco.

West estis aktiva en vodevilo kaj en teatro en Novjorko antaŭ translokiĝi al Holivudo iĝis komediisto, aktorino kaj verkisto en la industrio de kino, same kiel ŝi aperis en radio kaj televido. La Usona Kininstituto listigis ŝin kiel la 15an inter la plej grandaj stelulinoj de la klasika usona kinarto.

Ofte uzante rimarkindan voĉon de kontraldo,^[2] West estis unu el la plej polemikaj kinstelulinoj de sia epoko kaj ŝi trafis multajn problemojn, speciale cenzuron. Ŝi prifajfis la sistemon, farante komedion el konvenciaj kutimoj, kaj la publiko de la epoko de la Depresio admiris ŝin pro tio. Kian ŝia kinkariero finis, ŝi verkis librojn kaj teatraĵojn kaj plue ludis en Las Vegas, en la Unuiĝinta Reĝlando, en radio kaj televido kaj registris albumojn de Rokenrolo. Iam oni demandis al ŝi pri la diversaj klopodoj kiuj malhelpis ŝian karieron, al kio ŝi respondis: "Mi kredas en cenzuro. Mi riĉiĝis el ĝi."^[3][4]

1. ↑ Cullen, Frank; Hackman, Florence; McNeilly, Donald (2007). Vaudeville, Old & New: An Encyclopedia of Variety Performers in America. Routledge. p. 1183. ISBN 978-0-415-93853-2.
2. ↑ Doherty, Thomas (Februaro 2009). Hollywood's Censor: Joseph I. Breen and the Production Code Administration. ISBN 978-0-231-14359-2. Alirita la 23an de februaro 2019.
3. ↑ "Actress Mae West Sentenced for "Sex"". Arkivigite je 2019-04-07 per la retarkivo Wayback Machine History Channel. Alirita la 23an de februaro 2019.
4. ↑ Karen Weekes (15a de februaro, 2011). Women Know Everything!. Quirk Books. p. 86. ISBN 978-1-59474-545-4. Alirita la 23an de februaro 2019.