Back مذبحة بطليوس Arabic Разня ў Бадахосе (1936) Byelorussian Клане в Бадахос Bulgarian Massacre de Badajoz Catalan Badajoz massacre English Masacre de Badajoz Spanish Badajozko sarraskia Basque Matança de Badajós EXT Massacre de Badajoz French Masacre de Badaxoz Galician

Masakro de Badajoz

Leŭtenanta kolonelo de la frankisma armeo Juan Yagüe. Li komandis la trupojn kiuj fifaris la masakron de Badajoz.
Aspekto de la tiama taŭrludejo de Badajoz, kiu funkciis kiel karcero kaj ekstermejo post la konkero de la urbo fare de la insurekciaj fortoj. La vehikloj estis de la respublika flanko, sed detruis iin bombado fare de la insurekciuloj. Kuŝas du kadavroj, sed oni ne certas ĉu temas pri viktimoj de la bombardado (plej verŝajne) aŭ de la ekzekutoj.

La masakro de Badajoz okazis dum la tagoj post la batalo de Badajoz, dum la Hispana Enlanda Milito, kaj estis rezulto de la subpremado farita de la insurekcia armeo kontraŭ civiluloj kaj militistoj defendantoj de la Dua Hispana Respubliko post la konkero de Badajoz fare de la fortoj insurekciantaj kontraŭ la Respubliko, kiu okazis el 14a de aŭgusto 1936 nokte kaj la 15a de aŭgusto 1936 matene.[1]​

Ĝi estis unu de la plej polemikaj momentoj de la milito, ĉar la nombro de viktimoj kaj la vera disvolvigo de la masakro ege varias depende de la historiistoj, esploristoj kaj propagandistoj. Krome, ĉar rezultis venkinta en la milito fakte la insurekcia tendaro, kiu okazigis la masakron, neniam okazis oficiala esplorado pri la afero kaj eĉ ege oni manovris prie. Ĉiuokaze, la plej oftaj ĉirkaŭkalkuloj sugestas inter 1 800 kaj 4 000 murdojn,[2] en faroj kvalifikitaj de kelkaj asocioj pri homaj rajtoj kiel krimoj kontraŭ la homeco.[3]​ Oni denoncis tiujn farojn kiel genocido en 2007. Sed tio ne estis akceptita ĉar jam estis mortintaj la ĉefaj responsuloj pri la masakro kaj la delikto ne estis tipigita kiam ĝi okazis.[4][5][6]

Estris la trupojn kiuj fifaris la masakron de Badajoz estis la kolonelo Juan Yagüe kiu, post la milito, estis nomumita ministro de la Aerarmeo fare de Francisco Franco. El la masakro, Yagüe estis konata kiel "la buĉisto de Badajoz".[7]​

  1. ↑ Alberto Reig Tapia, Memoria de la guerra civil. Los mitos de la tribu, Alianza Editorial, Madrid, 1999, pp. 114-115
  2. ↑ ALEJANDRO TORRÚS 76 años después de la matanza de Badajoz (Público) 12/08/2012, alirita la 7an de februaro 2024.
  3. ↑ LA REPRESIÓN FRANQUISTA: GENOCIDIO E IMPUNIDAD
  4. ↑ El País: El fiscal pide archivar denuncias por crímenes de la Guerra Civil
  5. ↑ «Revista Clío: El genocidio del Franquismo». Arkivita el originalo la 1an de januaro 2007. Konsultita la 5an de oktobro 2008.
  6. ↑ «Extremadura al día. El PSOE califica de genocidio los hechos ocurridos en Badajoz en agosto de 1936». Arkivita el originalo la 10an de julio 2011. Konsultita la 25an de aŭgusto 2008.
  7. ↑ Spartacus Schoolnet: Biography Juan Yagüe
From Wikipedia, the free encyclopedia · View on Wikipedia

Developed by Nelliwinne