Mikrofoliumilo

Mikrofoliumilo estas foliumilo, kiu funkcias en rimed-malriĉa medio, kiel poŝtelefono aŭ poŝkomputilo. En tiu medio estas:

• eta memoro,
• malrapida procesoro,
• reta konekto kun longa peto-respondo-tempo,
• malfidinda reta konekto,
• malrapida reta konekto,
• minimuma klavaro,
• eta ekrano,
• neflikebleco,
• diversaj operaciumoj,
• fermitaj sistemoj.

Tial en fruaj 2000-aj jaroj, mikrofoliumiloj posedis nur bazajn funkciojn, uzis specialajn markolingvojn kiaj HDML (kvazaŭ WAP 0 de Openwave), WML (WAP 1), i-mode (de DoCoMo), kaj XHTML MP (WAP 2), kaj bezonis prokurilojn por traduki markolingvon aŭ traduki inter HTTP kaj HDTP, WSP-WTP.