NHL

NHL
profesia sporta ligo glacihokea ligo
Komenco	26-a de novembro 1917 vd
Lando(j)	Usono • Kanado vd
Sidejo	Nov-Jorko
Partoj Okcidenta Konferenco de Nacia Hokea Ligo kaj Orienta Konferenco de Nacia Hokea Ligo vd
Retejo	Oficiala retejo
v • d • r

La Nacia Hoke-Ligo (angle National Hockey League (NHL); france Ligue nationale de hockey (LNH)) estas granda ligo de 31 (baldaǔ 32) glacihokeaj kluboj, 25(26) en Usono kaj 6 en Kanado. Ĝia sidejo troviĝas en Novjorko. Ĝi estas konsiderata ĝenerale la plej alta nivelo de glacihokeo en la tuta mondo, kaj estas unu el la ĉefaj sportligoj en Nordameriko. Ĉiujare, la ĉampiono de la NHL ricevas la Pokalon «Stanley». Posedas nun la pokalon St Louis Blues.

La ligo fondiĝis en 1917 en Montrealo kun kvar teamoj. Hodiaŭ, la NHL allogas multajn lertegajn ludistojn de la tuta mondo kaj nun havas ludistojn de 20 landoj. Dum multe da jaroj, granda plimulto de ludistoj estis kanadanoj. Tamen, en lastaj kelkaj jardekoj, la elcento de ludistoj de Usono kaj Eŭropo kreskadis, pro la pligrandiĝo de la ligo de ses teamoj en 1967 ĝis tridek unu nun, kaj pro la disponebleco de multaj talentaj ludistoj de Eŭropo, aparte de la ekse socialismaj landoj de Eŭropo.

Oni ofte parolas pri la "origina sesopo" de teamoj de Montrealo, Toronto, Ĉikago, Detrojto, Novjorko, kaj Bostono, kiuj konsistis la tutan ligon dum preskaŭ 30 jaroj ĝis la ligo aldonis ses novajn teamojn en 1967.