Observatorio de la Unio

Observatorio de la Unio
Astronomia observatorio
Oficiala nomo: Union Observatory
Lando	Sud-Afriko
Municipo	Johanesburgo
Supermara alteco	1 808 m s. m.
Koordinatoj	26° 11′ 03″ S 28° 04′ 27″ O / 26.18417 °S, 28.07417 °O / -26.18417; 28.07417 (mapo)
Situo de la observatorio en Sud-Afriko

La Observatorio de la Unio (angle Union Observatory) estis astronomia observatorio en Johanesburgo (Sud-Afriko). Ĝia MPC-kodo estas 078.^[1] La kvartalo, kie ĝi estis establita ricevis la nomon "Observatory".

Ĝi estis fame konata pro la bona kompetenco de ties direktoroj, la esploro pri asteroidoj kaj la malkovro de Proksima Centaŭro (1915).

Ĝi estis fermita pro luma poluo en 1971 -1972.

Tiame, la sud-afrika registaro decidis grupi la tutan astronomian esploron en unu organizaĵo : la Sud-Afrika Astronomia Observatorio (angle South African Astronomical Observatory aŭ SAAO) en Kaburbo kun observa stacio en Sutherland (Norda Kablando), kien la ĉefaj instrumentoj, kiel tiuj de la Observatorio Radcliffe en Pretorio estis transportitaj.

La Observatorio de la Unio ricevis plurajn nomojn

• Transvaal Meteorological Department (1903 – 1909)
• Transvaal Observatory (1909 – 1912)
• Union Observatory (1912 – 1961)
• Republic Observatory (1961 – 1971)^[2]

Ĝiaj direktoroj estis

• Robert Innes 1903 – 1927
• Harry Edwin Wood 1927 – 1941
• Willem Hendrik van den Bos 1941 – 1956
• William Stephen Finsen 1957 – 1965
• Jan Hers 1965 – 1971

En 2003, la "South Afican Agency for Science and Technology Advancement" (SAASTA) akiris la Observatorion de la Unio en 2003 kaj renovigis tiun ejon por aranĝi plurfakan interaktivan edukan instalaĵo de eduko pri astronomio kaj inĝenierarto, kiu malfermis al la publiko en 2008.^[3]

1. ↑ Kodoj de la Observatorioj (Minor Planet Center)
2. ↑ Republic Observatory ; el la paĝaro de Astronomical Society of Southern Africa (angle)
3. ↑ Renaskiĝo de la Observatorio de la Unio, el la paĝaro de la SAASTA (angle)