Privakcinada polemiko

La privakcinada polemiko (aŭ specife hezitemo pri vakcinado) koncernas la pridubadon de la graveco, efikeco kaj sekureco de vakcinoj kaj vakcinado. Historie en la kerno de scienca diskutado, la sekureco kaj avantaĝoj de vakcinado nun estas la solida scienca konsento, precipe surbaze de tio, ke vakcinado ebligis, ekde la mezo de la 20-a jarcento, forigi gravajn infektajn plagojn kaj redukti la mortoprocenton. La kontraŭ-vakcinada movado ofte uzas konspirajn teoriojn kaj konsideratas de sciencistoj kiel pseŭdoscienco^[1][2].

Malgraŭ la scienca konsento favore al vakcinado, ĝi restas hodiaŭ kontestata de kontraŭvakcinaj movadoj, kiuj subtenas artefaritan polemikon laŭ kiu vakcinado estus senutila aŭ malutila, kaj ke ĝi eĉ povus kaŭzi iujn malsanojn kiel multloka sklerozo aŭ malordoj tiaj kiel aŭtismo. Fakte, malfido pri vakcinado plurfoje kaŭzis malpliiĝon de vakcinado kaj pliiĝon de kazoj de la respondaj malsanoj. En kelkaj kazoj, tiuj timoj havis gravajn sekvojn por la publika sano, kiel ekzemple en Britio kie la malkresko de la vakcinada kovrado, en la kunteksto de la konflikto pri la rolo de vakcinado en aŭtismo, kaŭzis gravajn sanproblemojn same kiel plurajn mortoj^[3][4]. Nesufiĉa vakcinado de infanoj kondukas al tutmonda revigliĝo de morbilo^[5].

Krome, la legitimeco de deviga vakcinado estas kontestata. Perceptita kiel ofendo al bazaj rajtoj de kontraŭvakcinaj aŭ libertarianismaj asocioj, ĝi estas konsiderata en demokrataj landoj kiuj starigas ĝin, kiel neceson en la nomo de la komuna bono.

1. ↑ Jacobson RM, St Sauver JL, Griffin JM, MacLaughlin KL, Finney Rutten LJ (September 2020). "How health care providers should address vaccine hesitancy in the clinical setting: Evidence for presumptive language in making a strong recommendation". Human Vaccines & Immunotherapeutics. 16 (9): 2131–2135. doi:10.1080/21645515.2020.1735226. PMC 7553710. PMID 32242766.
2. ↑ Darryl Cunningham, « L’affaire du docteur Andrew Wakefield : les faits » ([https://archive.wikiwix.com/cache/?url=http%3A%2F%2Fwww.pseudo-sciences.org%2Fspip.php%3Farticle2713 arkivo), Science et pseudo-sciences, no 317,‎ julio 2016
3. ↑ Gregory A. Poland et Robert M. Jacobson, « The Age-Old Struggle against the Antivaccinationists », New England Journal of Medicine, vol. 364,‎ 13 janvier 2011, p. 97-99 (ISSN 0028-4793, PMID 21226573, DOI 10.1056/NEJMp1010594 (arkivo)
4. ↑ Paul A. Offit, Deadly Choices : How the Anti-Vaccine Movement Threatens Us All(arkivo), Hachette UK, 2010, 288 p. (ISBN 978-0-465-02356-1 et 0-465-02356-8)
5. ↑ « Les décès dus à la rougeole ont augmenté de 50 % dans le monde entre 2016 et 2019, pour atteindre 207 500 morts en 2019» (arkivo) Monda Organizaĵo pri Sano