La regiono[1] aŭ provinco Kizilordo (kazaĥe Қызылорда облысы, Qızılorda oblısı, ruse Кызылординская область) estas unu el dek kvar precipaj administraj teritorioj, je kiuj dividiĝas la ŝtato Kazaĥio. Ĝia ĉefurbo estas Kizilordo, kiu komence de la jaro 2014 havis 213 165 loĝantojn. La tuta provinco komence de la jaro 2013 havis 727 990 loĝantojn. Aliaj gravaj urboj estas: Aralsk, Qazaly (Kazalinsk) kaj la kosmodromo Bajkonur. La rivero Sirdarjo, kiu fluas ekde la montaro Tjanŝano ĝis Aralo, trairas la provincon. La areo de provinco Kilizordo estas 226 000 km².
- ↑ La registaro de Kazaĥio tradukas la vorton oblısı al aliaj lingvoj per "regiono" aŭ ekvivalento, vidu ekzemple angle en la retejo de la regiona registaro, sed en la esperantlingva vikipedio pro la kutimo en la najbara ŝtato Rusia Federacio traduki la vorton область per "provinco" ĝis nun estas la tendenco transpreni la rusian kutimon ankaŭ al Kazaĥio, substrekante la jarojn de rusa influo al Kazaĥio en la sovetunia epoko, kiuj videblis ankaŭ en komuna Esperanto-movado.
Vikimedia Komunejo: Kyzylorda Region [+]
