Rizobirdoj

Rizobirdoj
Java rizobirdo (Padda oryzivora)
Biologia klasado
Regno: Animaloj Animalia Filumo: Ĥorduloj Chordata Klaso: Birdoj Aves Ordo: Paseroformaj Passeriformes Familio: Estrildedoj Estrildidae Genro: Rizobirdoj Padda Reichenbach, 1850
Specioj
P. oryzivora P. fuscata
Aliaj Vikimediaj projektoj
Sistematiko en Vikispecioj
Komunejo pri Rizobirdoj
v • d • r

Rizobirdoj (Padda) estas genro de birdoj el familio Estrildedoj, endemiaj en kelkaj insuloj de suda Indonezio. Ili estas malgrandaj, rondecaj kaj sociemaj paseroformaj birdoj, kiuj manĝas plejparte grenojn kaj semojn, kaj frekventas malfermajn herbejojn kaj agrokulturajn kampojn, aparte tiujn de rizo.

La genro enhavas du tre similajn speciojn. Ambaŭ ili estas birdoj kun dikaj bekoj, nigraj kapoj kaj blankaj vangoj. Seksan duformismon ĝi ne havas, ambaŭ seksoj aspektas simile. Adoleskaj birdoj similas al plenkreskuloj, sed estas pli palkoloraj kaj brunecaj. La voko de ambaŭ seksoj estas mallonga noto "ĉip", kaj la kanto estas longa serio de vokoj: "ĉipĉipĉipĉipĉipĉipĉipĉip".