Salman Rushdie

Salman Rushdie
Persona informo
سلمان رشدی
Naskonomo	احمد سلمان رشدی
Naskiĝo	19-an de junio 1947 (1947-06-19) (77-jaraĝa) en Mumbajo, Bombay Presidency,  Brita Raĝo
Lingvoj	urduo • angla • kaŝmira vd
Ŝtataneco	Usono (2016–) Unuiĝinta Reĝlando (Britio) (1964–) Barato vd
Alma mater	Rugby School King's College Cathedral and John Connon School (en) vd
Familio
Patro	Anis Ahmed Rushdie (en) vd
Edz(in)o	Rachel Eliza Griffiths (mul) (2021–) Padma Lakshmi (en) (2004–2007) Elizabeth West (en) (1997–2004) Marianne Wiggins (en) (1988–1993) Clarissa Luard (en) (1976–1987) vd
Infanoj	Zafar Rushdie (en)  ( Clarissa Luard (en) ) Milan Rushdie (en)  ( Elizabeth West (en) ) vd
Profesio
Okupo	verkisto verkisto de porinfana literaturo aktoro scenaristo romanisto eseisto aŭtoro vd
Aktiva dum	1975– vd
Verkado
Verkoj	La satanaj versoj vd
Honorigoj Honorigoj (2-a de junio 2022)  Kompano de Honoro../... 32+ vd
Membrecoj Membrecoj Reĝa Societo de Literaturo PEN American Center, Inc. (mul) Usona Akademio de Artoj kaj Sciencoj vd
En TTT	Oficiala retejo vd
vd	Fonto: Vikidatumoj
v • d • r

Salman RUSHDIE [ruŝdi] (naskiĝis la 19-an de junio 1947) estas barata verkisto de fikcio en la angla lingvo, plejparte pri la hinda subkontinento.

Rushdie naskiĝis kaj plenkreskis en Mumbajo (antaŭe Bombajo), kaj poste diplomiĝis kun honoroj de la universitato King's College, Cambridge en Anglio. Lia verka stilo, kiu miksas miton kaj fantazion kun realecon, jam estis priskribita kiel ligita al magia realismo.

Lia verkado komenciĝis per Grimus, fantasta romano kiu ne estis multe rimarkita de la publiko kaj kritikoj. Tamen, la sekva romano, Midnight's Children ("Infanoj de meznokto") katapultis lin al literatura famo kaj estas konsiderata lia plej bona verko. Ĝi ankaŭ konsiderinde formis baratan literaturon dum la posta jardeko. Ĉi tiu libro ricevis la premion Booker kaj poste la premion Booker of Bookers (t.e. la plej bona libro el la gajnintoj de la premio Booker). Post la sukceso de Midnight's Children li verkis mallongan romanon, Shame ("Honto"). Ambaŭ verkoj uzas magian realismon kaj enhavas enmigrintan vidpunkton pri kiu tre konscias Rushdie. "Honto" estas fantaziigita bildo de historio de Pakistano, ĝi estas "ŝlosila romano" kie konataj figuroj de pakistana politikistaro estas akre prezentitaj sub aliaj nomoj.

Rushdie estas ankaŭ tre influita de moderna literaturo. Midnight's Children prenas elementojn de romano de Günter Grass, La lada tambureto, kiu laŭ Rushdie inspiris lin komenci verki. "La satanaj versoj" estas influita de la klasika rusa romano de Miĥail Bulgakov, La Majstro kaj Margarita.

En postaj verkoj, Rushdie verkis pri la Okcidento (Barato kaj Pakistano estis la temoj de fruaj romanoj). The Moor's Last Sigh ("La lasta ĝemspiro de l' maŭro") priskribis komercajn kaj kulturajn ligojn inter Barato kaj la ibera duoninsulo. The Ground Beneath Her Feet ("La tero sub ŝiaj piedoj") temas pri barata intereso pri usona rokenrolo. Fury ("Kolero") kritikas usonajn kulturon kaj eksterajn rilatojn. Tamen, neniuj el la verkoj de Rushdie post 1989 jam ricevis la kritikan aprezon de Midnight's Children aŭ la publikan polemikon de The Satanic Verses (Satanaj versoj).