Simon Wiesenthal

Simon Wiesenthal
Simon WIESENTHAL
Persona informo
Naskiĝo	31-a de decembro 1908 en Buĉaĉ, Ukrainio, Galicio
Morto	20-a de septembro 2005 en Vieno, Aŭstrio
Tombo	Old Cemetery of Herzliya (en)
Lingvoj	germana • jido
Ŝtataneco	Aŭstrio-Hungario Aŭstrio Dua Pola Respubliko Hungario
Familio
Edz(in)o	Cyla Wiesenthal
Infano	1
Okupo
Okupo	naziĉasisto publikigisto muzikisto verkisto akvokato aŭtobiografo arkitekto ĵurnalisto
TTT
Retejo	https://www.wiesenthal.com/
v • d • r

Simon WIESENTHAL [ZImon VIZ'ntal] (naskiĝis la 31-an de decembro 1908 sub la nomo Szymon Wiesenthal en Buczacz, nuntempe Buĉaĉ (Бучач), Ukrainio, tiam en Aŭstrio-Hungario, mortis la 20-an de septembro 2005 en Vieno, Aŭstrio) estis travivinto de la naziaj koncentrejoj dum la Dua mondmilito kaj iĝis la plej konata postmilita ĉasisto de la naziaj militokrimuloj.

Li mem konsideris sin kiel serĉanton, kies tasko konsistis el legado kaj skribado de notoj: la nombron de la 1100 kondamnitaj militokrimuloj li komparis kun la nombro de la kondamnendaj, pri kiuj li okupiĝis dum kvindek laborjaroj. Li rigardis sian laboron nelaste kiel "plenumadon testamentan" por juna judino, kiu, en la koncentrejo, skribis en sia taglibro, ĵus antaŭ sia forpereo: "Ne forgesu nin, kaj ne forgesu niajn murdistojn!"