Sojourner Truth

Sojourner Truth
Persona informo
Naskonomo	Isabella Baumfree
Aliaj nomoj	Sojourner Truth
Naskiĝo	30-an de novembro 1796 (1796-11-30) en Hurley
Morto	26-an de novembro 1883 (1883-11-26) (86-jaraĝa) en Battle Creek
Lingvoj	nederlanda • angla
Loĝloko	Battle Creek
Ŝtataneco	Usono
Okupo
Okupo	homrajta aktivulo aktivisto pri virinaj rajtoj aktivulo kontraŭ sklaveco sufrageto
TTT
Retejo	https://sojournertruthmemorial.org
v • d • r

Sojourner TRUTH ['soʊdʒɜrnər truθ] (nasknomo Isabella Bomphrey (poste ŝanĝita al Baumfree), naskiĝis ĉirkaŭ 1797 en Esopus proksime de Hurley, Novjorko - mortis la 26-an de novembro 1883 en Battle Creek, Miĉigano) estis usona aboliciisto, virinrajtoj aktivulino kaj migranta predikisto. Ŝi estis naskita en sklaveco kiel filino de sklavo en Swartekill, Novjorko, sed post luktado sukcesis eviti sklavigon kun sia filino en 1826. Kiam ŝi iris al tribunalo por rehavi sian filon en 1828, ŝi iĝis la unua nigrulino se temas pri venki en tia proceso kontraŭ blankulo ^[1].

En 1827 ŝi forfuĝis al Kanado. Post kiam Novjorko aboliciis sklavecon, ŝi iris tien en 1829. Ŝi engaĝiĝis kaj en la movado por la rajtoj de virinoj kaj en la aboliciisma movado, kie ŝi vojaĝis tra la lando kaj parolis pri la rajto de ĉiuj homoj esti liberaj. Unu el ŝiaj plej famaj paroladoj estis Ain't I a Woman? (Ĉu mi ne estas virino?), kiun ŝi liveris ĉe la Dua Usona Virina Kongreso de Libereco (American Women's Second Freedom Congress) en 1851^[2][3][4].

Ŝi naskiĝis kiel Isabella Bumphrey, kaj en la aĝo de 46, post travivado de kion ŝi diras estis dia revelacio, ŝi ŝanĝis sian nomon al Sojourner Truth. Ŝia saĝeco kaj spriteco , ŝiaj paroladoj kiuj kombinis potencan kantadon, ŝian imponan aspekton - ŝia alteco estis 1,80 metroj, kaj ŝia basvoĉo - igis ŝin mito de forta nigrulino. Kontraŭ ĉiuj ŝancoj: esti nigrulino en blankula socio, esti virino en patriarka socio , malriĉeco, ŝia malalta socia statuso, ŝia nescio pri legado kaj skribado - malgraŭ ĉio ĉi, Truth sukcesis iĝi grava aktivulo en la batalo por homaj kaj virinaj rajtoj, liberecbatalanto kaj konata religia predikisto .

En 1981, ŝi estis induktita en la Nacian Virinan Halon de Famo. Ĝia nomo estis eternigiita en la nomo de malgranda sondilo Pathfinder kiu estis uzita en la Marsa enketmisio al Marso en 1997.

Unesko inkludis Sojourner Truth en sia listo de signifaj virinoj en afrika historio.

1. ↑ Sojourner Truth Was a 'Double Woman' in More Ways than One. ChristianityToday.com (November 3, 2023). Alirita April 3, 2024 .
2. ↑ Margaret Washington. (2011) Sojourner Truth's America. University of Illinois Press, p. 13, 14.
3. ↑ Mary Grace Albanese. (2023) Black Women and Energies of Resistance in Nineteenth-Century Haitian and American Literature. Cambridge University Press, p. 15, 100–101 ,105–107, 166–167.
4. ↑ Kimberly Rae Connor. (2023) Conversions and Visions in the Writings of African-American Women. Univ. of Tennessee Press, p. 75, 284.