Back Штрайф Byelorussian Щрайф Bulgarian Streif German Streif English Streif Finnish Streif French Streif Italian Streif Slovenian Штрајф Serbian Штрайф Ukrainian
Streif [ŝtrajf] estas ski-konkursejo supre de Kitzbühel (Aŭstrio). Ĝi estas inter la plej malfacilaj kaj danĝeraj ski-kurejoj de la mondo. Ĝi longas 3.312 metrojn, komenciĝas 1.665 metrojn super marnivelo kaj finiĝas 805 metrojn super marnivelo.
Sur Streif oni aranĝas du konkursojn, "Super-G" kaj "Abfahrt" (= descendo). "Super-G" estas malpli longa variaĵo.
La unua konkurso sur Streif okazis en 1931. Ĝin gajnis Ferdl Friedensbacher kun tempo de 4:34,2 minutoj. En 1997 Fritz Strobl sukcesis kun tempo de 1:51,58 minutoj; tio estas la nuna rekordo.
La supron de la kurejo oni atingas per la telfero Hahnenkammbahn.