Tabelo (datumstrukturo)

Ĉi tiu artikolo temas pri specifa datumstrukturo (regulpaŝa tabelo). Por informoj pri abstrakta tipo, kies realigo ĝi estas, vidu la artikolon Tabelo (datumtipo).

En komputado, la datumstrukturo tabelo estas la plej simpla kaj la plej kutima maniero realigi abstraktan tabelon, t.e. kolekton da komponantoj, aŭ elementoj, indikataj per numero aŭ pluropo da numeroj, kiujn oni nomas indicoj. Tia tabelo estas lokita en la komputila memoro tiel, ke la pozicion (la adreson) de ĉiu elemento oni povas komputi el la indica opo per simpla aritmetika formulo.