Back Tachtigers Afrikaans Tachtigers English Tachtigers Spanish Tachtigers French De Tachtigers Frisian De Tachtigers ID Tachtigers Italian Tachtigers Malay Tachtigers Dutch Tachtigers Portuguese
La Tachtigers (esperante okdekanoj; tio estas 1880-anoj) aŭ la Beweging van Tachtig (esperante Movado de Okdek[1]) estis verkista movado en la nederlanda literaturo inter 1880 kaj 1894. En la verkoj de la movadanoj impresionismo kaj naturalismo estas gravaj influoj. La plej gravaj kontribuoj estas la novigoj en poezio. La movado estas malfrua daŭrigo de romantikismo, sed samtempe kritikema pri romantikismo.
Gravuloj estis Willem Kloos, kiu pli-malpli fondis la movadon, Hélène Swarth, Albert Verwey, la komponisto Alphons Diepenbrock, Frederik van Eeden, Lodewijk van Deyssel, Frans Erens kaj Herman Gorter. La en 1881 mortinto Jacques Perk, kies senetojn Kloos eldonis, estis la granda ekzemplulo de la Tachtigers.
- ↑ (1934) “La nederlanda literaturo”, Literatura Mondo (eo), p. 187. “Tuta revolucio en la nederlanda literaturo estas la t. n. Movado de Okdek (t. e. 1880).”.