Tuja kafo

Tuja kafo (aŭ Pulvora kafo) estas kafo, kiu estas farita per solvado de kafpulvoro en bolanta akvo. La pulvoro estas farita en fabrikoj per sekigado de muelitajn kafgrajnoj en pulvoron, ĉu per frostigado - sekigado de la kafo (vakua frostigado - liofilizado), t.e. frostigado de la kafo ĉe tre malalta temperaturo kaj poste forigante la akvon (glacio) uzante vakuan sublimadon, aŭ per ŝprucsekigado de la kafo, tio estas, disvastigi la likvan kafon en ĉambron tra ajutoj sub alta premo kaj sekigi ĉiujn etajn gutetojn en pulvoron helpe de varma aero ^[1].

Tia kafpulvoro konserviĝas pli bone dum stokado ol muelitaj kafaj faboj, sed estas pli da avantaĝoj: la rapideco de preparado de la trinkaĵo (tuja kafo dissolviĝas tuj en bolanta akvo), ĝia pezo kaj volumeno estas pli malaltaj ol tiuj de kafaj faboj aŭ muelita kafo necesa por prepari la saman kvanton da trinkaĵo (do reduktante stokadon kaj transportado) kaj ĝia relative longa konservodaŭro por kafo-graboj (tial eblas produkti tujan kafon dum tempoperiodoj kiam la prezo de faboj estas malalta kaj vendi la pretan produkton kiam la prezo de kafo en la merkato estas alta). Oni devas rimarki, ke tuja kafo povas difekti, se ĝi ne estas tenita en seka areo (humideco kreas kristaliĝon).

Pulvora kafo estis inventita en 1901, sed ne iĝis konata kaj vaste uzita ĝis la firmao Nestlé lanĉis sian pulvoran kafon en 1938 (vidu la varmarko Nescafé).

Preskaŭ 50% el verda kafo de la mondo estas uzita produkti tujan kafon ^[2].

1. ↑ (2009) “Life cycle assessment of spray dried soluble coffee and comparison with alternatives (drip filter and capsule espresso)”, Journal of Cleaner Production 17 (15), p. 1351–1358. doi:10.1016/j.jclepro.2009.04.011. 
2. ↑ (2009) “Bioactivities of low-grade green coffee and spent coffee in different in vitro model systems”, Food Chemistry 115 (1), p. 79–85. doi:10.1016/j.foodchem.2008.11.063.