| Wieland Pusch | |
|---|---|
 la fratoj Wieland (maldekstre) kaj Thomas iam inter 1990 kaj 1995 | |
| Persona informo | |
| Naskiĝo | la 27-an de februaro 1968 en  Damme, Germanio
|
| Lingvoj | germana • Esperanto • angla • bulgara • franca |
| Nacieco | germana |
| Ŝtataneco | Germanio 
|
| Familio | |
| Frat(in)oj | Thomas Pusch kaj Birgit Prien
|
| Okupo | |
| Okupo | komputosciencisto esperantisto
|
| Esperanto | |
| Esperantistiĝis en | 1983 (15-jara) |
Wieland PUSCH - naskiĝis la 27-an de februaro 1968, do nun 56-jara - estas germana esperantisto kaj komputikisto vivanta en Langen, Hesio. Post la esperantistiĝo en 1983, 15-jara, sekve de antaŭaj aktiviĝoj de la frato Thomas kaj la fratino Birgit, li en Germana Esperanto-Junularo plurajn jarojn gvidis la komputilan komisionon, kiu provizis teknikajn solvojn por administrado de partoprenantoj en internaciaj renkontiĝoj, de la asocia membraro kaj por esperantlingva enpaĝigo de tekstoj de informiloj kaj periodaĵoj. Samkiel la fratino li studis en la Teknologia Universitato de Berlino, kaj en 1996 li edziĝis al tiam 22-jara aktivulino de Bulgara Esperanto-Junularo. La paro intertempe havas tri infanojn, kiuj ĉiuj partoprenis tutan vicon da familiaj Esperanto-renkontiĝoj kaj apud la familiaj lingvoj germana kaj bulgara parolas Esperanton.