Wish (filmo)

Voto
Fotopiedo
movbilda filmo
Originala titolo	Wish
Produktadlando	Produktinta lando
Originala lingvo	Originala lingvo
Kina aperdato	Aperdato
Daŭro	Daŭro
Ĝenro	Ĝenro
Kameraado	Kameraado
Buĝeto	Buĝeto
Reĝisoro(j)	Reĝisorita de
Produktisto(j)	Produktisto
Scenaro	Scenografio
Laŭ la verko de	Bazita sur la verko de
Filmita en	Lando kie filmiĝis
Loko de rakonto	Rosas
Muziko de	Muziko de
Ĉefrolantoj	Ĉefrolantoj
Laboratoriaj kaj optikaj efektoj	efektoj
Produktinta firmao	produktinta firmao
Distribuo	Distribuanto
IMDb
v • d • r

Wish (angle, prononco [wˈɪʃ], per simplaj literoj [ŭiŝ], Voto) estas usona animacia muzika fantazia filmo el 2023 produktita fare de Walt Disney Animation Studios kaj publikigita fare de Walt Disney Pictures. Ĝi estis reĝisorita fare de Chris Buck kaj Fawn Veerasunthorn (en ŝia filmoreĝisora debuto) laŭ scenaro skribita fare de Jennifer Lee kaj Allison Moore, surbaze de rakonto elpensita de Lee, Buck, Veerasunthorn, kaj Moore, kaj produktita fare de Peter Del Vecho kaj Juan Pablo Reyes Lancaster-Jones, kun Jennifer Lee kaj Don Hall funkciantaj kiel administraj produktantoj. La arta stilo kombinas komputilan animacion kun la aspekto de tradicia animacio. La filmo ĉefroligas la voĉojn de Ariana DeBose, Chris Pine, Alan Tudyk, Angelique Cabral, Victor Garber, Natasha Rothwell, Harvey Guillén, Evan Peters, Ramy Youssef, kaj Jon Rudnitsky. La rakonto sekvas 17-jaraĝan knabinon nomitan Asha (Ariana DeBose), kiu faras pasian pledon al la steloj en momento de bezono. Ŝi renkontas vivantan, magian falintan stelon, kaj kune ili alfrontas la regnon de la ruza reganto de Rosas, la sorĉisto Magnifico (Chris Pine).

Evoluproduktado de Wish komenciĝis en 2018 sed ne estis publike malkaŝita ĝis januaro 2022, kiam estis rivelita ke Lee skribis originalan filmon ĉe Disney Animation. En septembro 2022, la projekto estis oficiale diskonigita, kun la titolo rivelita kune kun la implikiĝo de Ariana DeBose kaj Alan Tudyk. Buck kaj Veerasunthorn, kiuj laboris kun Lee pri Frozen (2013) kaj Frozen 2 (2019) kiel kunreĝisoro kaj rakontartisto, estis konfirmitaj kiel reĝisoroj la saman monaton, kun Moore poste dungita por asisti la scenaristinon Lee en skribado de la filmo. Wish estas inspirita de la centjariĝo de Disney, kunligante temon de la plej multaj Disney-filmoj: deziro realiĝanta. La filmo notiĝas esti la origina rakonto por la "dezira stelo". Julia Michaels kaj Benjamin Rice skribis la kantojn, dum ofta Disney-orkestrodirigento Dave Metzger komponis la partituron.

Wish premieris ĉe la luksa kinejo El Capitan Theatre en Holivudo, Los-Anĝeleso, la 8-an de novembro 2023, kaj estis en kinejoj publikigita en Usono la 22-an de novembro. La filmo ricevis miksitajn recenzojn kaj atingis enspezojn de ĉirkaŭ 255 milionoj USD tutmonde. Analizistoj konsideris la filmon kiel biletvenda bombo, perdante la studion laŭtakse 131 milionojn USD, tio signifas ke la taksitaj elspezoj de la filma produktado estis ĉirkaŭ 386 milionoj USD. Ĝi estis nomumita por pluraj premioj, inkluzive de la Premio Ora Globo por Plej Bona Animacia Plenlonga Filmo.