1966ko Frantziako Tourra

1966ko Frantziako Tourra
Datu orokorrak
Lasterketa	53. Frantziako Tourra
Txapelketa	1966 Super Prestige Pernod
Etapak	25
Datak	ekainak 21 – 1966.eko uztailak 14
Luzera	4.329 km
Herrialdea	Frantzia Belgika Italia Suitza Espainia
Irteera-lekua	Nancy
Helduera-lekua	Paris
Parte-hartzaileak	130
Amaitu dutenak	82
Bataz besteko abiadura	36,819 km/o
Emaitzak
Txapelduna	Lucien Aimar (Ford France-Hutchinson)
Txapeldunordea	Jan Janssen (Pelforth-Sauvage-Lejeune)
Hirugarrena	Raymond Poulidor (Mercier-BP-Hutchinson)
Puntukako sailkapena	Willy Planckaert (Roméo-Smith's)
Eskalatzailerik onena	Julio Jiménez (Ford France-Hutchinson)
Talderik onena	Kas-Kaskol
◀1965	1967▶
	Dokumentazioa

1966ko Frantziako Tourra Itzuli Handi honen 53. edizioa izan zen. 1966ko ekainak 21 eta uztailak 14 artean ospatu zen. 4329 kilometro egin ziren 22 etapatan banatuta, horietatik hirugarrena, hamalaugarrena eta hogeita bigarrena bi sektoretan banatuta egon zirelarik.

130 txirrindularik parte hartu zuten 10 txirrindulariko 13 taldetan banatuta, proba soilik 82k amaitu zutelarik. Arlo honetan Fagor taldea nabarmendu zen, proba bere txirrindulari guztiekin amaitzea lortu zuena.

Frantziako Tourraren edizio honetan egin ziren dopinaren aurkako lehen kontrolak 8. etaparen ondoren. Hurrengo egunean, 9. etapako lehen 5 kilometroak egin ondoren, txirrindulariek greba egin zuten, euren bozeramalea zen Rik Van Looyren bitartez, kontrolak gauean ez egiteko eskatuz. 13. etapa amaitu ondoren 6 txirrindularik positibo eman zuten dopinaren aurkako kontrolean.

Garaileak, Lucien Aimar, proba batez beste 36,819 kilometro orduko abiaduran bete zuen.

Lehenbiziko euskalduna Kas taldeko José Antonio Momeñe bizkaitarra izan zen, laugarren postuan amaitu zelarik.