Back مسابقة الأغنية الأوروبية 2006 Arabic 2006 Avroviziya Mahnı Müsabiqəsi Azerbaijani Конкурс песні Еўрабачанне 2006 Byelorussian Евровизия 2006 Bulgarian Eurosong 2006. BS Festival de la Cançó d'Eurovisió 2006 Catalan Eurovision Song Contest 2006 Czech Eurovision Song Contest 2006 Danish Eurovision Song Contest 2006 German Διαγωνισμός Τραγουδιού Eurovision 2006 Greek
| 2006ko Eurovision Abesti Lehiaketa | |
|---|---|
| Finalerdia | Maiatzaren 18, 2006 |
| Finala | Maiatzaren 20, 2006 |
| Egoitza | O.A.C.A. Olympiako Klisto Gymnastirio, Atenas |
| Aurkezlea(k) | Maria Menounos Sakis Rouvas |
| Antolatzailea | Ellinikí Radiofonía Tileórasi (ERT) |
| Partaide kopurua | 37 |
| Irabazlea | "Hard Rock Hallelujah" Lordi  Finlandia
|
2006ko Eurovision Abesti Lehiaketa urtero ospatzen den Eurovision Abesti Lehiaketaren 51. edizioa izan zen. Atenaseko O.A.C.A. Olympiako Klisto Gymnastirio aretoan ospatu zen, Grezian. Finalerdia maiatzaren 18an jokatu zen, eta finala maiatzaren 20an. Aurkezleak Maria Menounos eta Sakis Rouvas (2004ko greziar ordezkaria) izan ziren.
Garailea Finlandiako Lordi taldea izan zen, "Hard Rock Hallelujah" abestiarekin. Finlandiaren lehen garaipena izan zen. Aurreko pop irabazleengandik aldentzen zen hard rock generoagatik eta taldearen munstro-janzkerengatik nabarmendu zen Lordiren garaipena.
Hogeita hamazazpi herrialde izan ziren partaide, aurreko edizioko errekorra baino bi gutxiago. Armeniak lehen agerpena egin zuen. Bestalde, Austria eta Hungariak partaidetza eten zuten. Serbia eta Montenegrok parte hartzeko izena eman ostean utzi zuen lehiaketa, ordezkaritza hautatzeko prozesuan Serbia eta Montenegroko telebista-erakundeen artean desadostasuna azaleratu zelako; hala ere, botoa emateko eskubidea gorde zion Europako Irrati-Telebista Batasunak Serbia eta Montenegrori.