Abertzaletasun sozialista

Abertzaletasun sozialista mugimendu marxista-leninistek sustatutako abertzaletasun forma bat da.^[1] Abertzaletasun sozialistak sustatzen du herrialde marxista-leninisten barruan bizi diren pertsonek bereganatu ditzatela «aberri sozialistarekiko maitasun mugagabea, gizartearen eraldaketa iraultzailearen aldeko konpromisoa [eta] komunismoaren kausa».^[2] Marxista-leninistek aldarrikatzen dute abertzaletasun sozialista ez dagoela nazionalismoari loturik, marxistek eta marxista-leninistek nazionalismoa salatzen baitute langileak elkarren aurka jartzen dituen kapitalismoaren azpian garatutako ideologia burges gisa.^[3] Abertzaletasun sozialista eskuarki internazionalismo proletarioarekin batera defendatzen da, eta alderdi komunistek bi kontzeptuak bata bestearekin bateragarriak direla jotzen dute.^[4] Kontzeptua sobietar idazleek Karl Marxi eta Vladimir Lenini egotzi diete.^[1]

Leninek abertzaletasuna bi motatan bereizi zuen: batetik, berak abertzaletasun proletario eta sozialistatzat definitu zuena; bestetik, nazionalismo burgesa.^[5] Leninek nazio guztien autodeterminaziorako eskubidea eta nazio guztietako langileen batasun eskubidea sustatu zituen. Hala ere, chauvinismoa gaitzetsi zuen, eta harrotasun nazionalaren sentimenduak justifikatuak ala justifikaziorik gabeak izan daitezkeela aldarrikatu zuen. ^[6] Leninek uste zuen inperioaren menpe zeuden nazioek aginte inperialetik nazio askapena bilatzeko eskubidea zutela.^[7]

1. ↑ ^{a b} Robert A. Jones. The Soviet concept of "limited sovereignty" from Lenin to Gorbachev: the Brezhnev Doctrine. MacMillan, 1990. Pp. 133.
2. ↑ Stephen White. Russia's new politics: the management of a postcommunist society. Fourth edition. Cambridge, England, UK: Cambridge University Press, 2004. p. 182.
3. ↑ Stephen White. Understanding Russian Politics. Cambridge, England, UK: Cambridge University Press, 2011. Pp. 220.
4. ↑ William B. Simons, Stephen White. The Party statutes of the Communist world. BRILL, 1984. Advocacy of socialist patriotism alongside proletarian internationalism shown on Pp. 180 (Czechoslovakia), Pp. 123 (Cuba), Pp. 192 (German Democratic Republic).
5. ↑ The Current digest of the Soviet press, Volume 39, Issues 1-26. American Association for the Advancement of Slavic Studies, 1987. p. 7.
6. ↑ Christopher Read. Lenin: a revolutionary life. Digital Printing Edition. Oxon, England, UK; New York, New York, USA: Routledge, 2006. Pp. 115.
7. ↑ Terry Eagleton. Why Marx Was Right. Yale University Press, 2011. p. 217.