Back Stimmlose alveolare Affrikate ALS Africada alveolar sorda AST Kensonenn kevig dre fic'hal divouezh Breton Africada alveolar sorda Catalan Neznělá alveolární afrikáta Czech Stimmlose alveolare Affrikate German Voiceless alveolar affricate English Africada alveolar sorda Spanish Consonne affriquée alvéolaire sourde French עיצור מכתשי, מחוכך שורק, אטום HE
| Afrikatu hobikari ahoskabe | |
|---|---|
| t͡s eta ʦ | |
| Kodetzea | |
| X-SAMPA | ts |
| Kirshenbaum | ts |
Afrikatu hobikari ahoskabea kontsonante afrikatu mota bat da. Mihiaren punta edo lepoa aho-hobian, hortzen ostean, ezarriz ahoskatzen da, aire korrontearen emaria bertan blokatuz. Afrikatu hobikari ahoskabea ez da soinu bakar bat, hots klase bat baizik. Klase honetan ezberdin hauteman eta ahoskatzen diren hots ezberdinak aurki daitezke:
- Afrikatu txistukari hobikari ahoskabea –[t͡s]– hots zabalduena da. Hots hau lepoko-hobikaria izaten da, miharen lepoarekin ebakitzen delako. Ingelesez cats bezalako ts sekuentzietan aurki daiteke. Euskaraz, hotz, atzo edo etzi bezalako hitzetan agertzen da. Euskaraz [t͡s̻] bezala transkribatu ohi da, bere kide apikaritik bereizteko.[1]
- Afrikatu txistukari hobikari atzeratu ahoskabea. Apiko-hobikari bezala ere ezaguna da. Pertzeptualki, afrikatu irauli (erretroflexu) baten antza har dakioke. Hots hau euskaraz aurki daiteke, hots, atso edo itsusi bezalako hitzetan. Euskaraz [t͡s̺] bezala transkribatu ohi da, bere kide lepokaritik bereizteko.[1]
- Afrikatu ez-txistukari hobikari ahoskabea –[t͡θ̠]– afrikatu horzkariari atzeratze diakritikoa gehituz idatz daiteke Nazioarteko Alfabeto Fonetikoaren bidez. Siziliako italiera estandarraren dialekto batzuen /tr/ sekuentzia horrela ahostatzen da.
- Afrikatu albokari hobikari ahoskabea –[t͡ɬ]– hizkuntza zenbaitetan aurki daiteke, horien artean txerokiera, islandiera, faroera, navajoa eta nahuatla. Igurzkari albokari hobikari ahoskabearen kide afrikatua da.
- ↑ a b (Ingelesez) Hualde, José Ignacio; Urbina, Jon Ortiz de. (2011-06-03). A Grammar of Basque. Walter de Gruyter ISBN 978-3-11-089528-5. (Noiz kontsultatua: 2021-02-02).