Back Alkibiades Afrikaans Alkibiades ALS ألكيبيادس Arabic الكيبيادس ARZ Alcibíades AST Alkiviad Azerbaijani Алківіяд Byelorussian Алкивиад Bulgarian Alkibiades Breton Alcibíades (general atenenc) Catalan
| Altzibiades | |||||||
|---|---|---|---|---|---|---|---|
 | |||||||
K.a. 419 - K.a. 418
K.a. 415 - K.a. 413
K.a. 406 - K.a. 405 | |||||||
| Bizitza | |||||||
| Jaiotza | Antzinako Atenas, K.a. 450 | ||||||
| Herrialdea | Antzinako Atenas | ||||||
| Heriotza | Frigia, K.a. 404 (45/46 urte) | ||||||
| Heriotza modua | giza hilketa: sastakatzea | ||||||
| Familia | |||||||
| Aita | Cleinias | ||||||
| Ama | Deinomache | ||||||
| Ezkontidea(k) | Hipparete (en)  | ||||||
| Bikotekidea(k) | |||||||
| Seme-alabak | ikusi
| ||||||
| Haurrideak | ikusi
| ||||||
| Leinua | Alcmaeonidae (en) | ||||||
| Hezkuntza | |||||||
| Hizkuntzak | antzinako greziera | ||||||
| Irakaslea(k) | Sokrates | ||||||
| Jarduerak | |||||||
| Jarduerak | politikaria, militarra eta army officer (en) | ||||||
| Jasotako sariak | ikusi
| ||||||
| Zerbitzu militarra | |||||||
| Gradua | strategos | ||||||
| Parte hartutako gatazkak | Peloponesoko Gerra Battle of Potidaea (en) | ||||||
Altzibiades Klinias Eskanbonides (antzinako grezieraz: Ἀλκιβιάδης Κλεινίου Σκαμβωνίδης, Alkibiádēs Kleiníou Skambōnidēs; Atenas, c. K. a. 450 - Frigia, K. a. 404) Antzinako Greziako estatu-politikaria, jenerala eta hizlaria izan zen.
Amaren partetik, familia aristokratiko baten azken kidea izan zen, Alkmeoniden sendiko azkena hain zuzen, Peloponesoko Gerraren ostean garrantzia galdu zuena. Gatazkaren bigarren partean, aholkulari estrategikoa, armadaren buruzagia eta politikaria izan zen.
Peloponesoko Gerran zehar, haren leialtasuna interes ezberdinetara mugitu zen. Atenas sorterrian zegoela, kanpo-politika oldarkorraren aldekoa zen eta Siziliako espedizioa defendatu zuen, baina hirian zituen etsaiek sakrilegio-karguak leporatu zizkiotenean, Espartara ihes egin zuen. Hiri horretan aholkulari estrategiko lana egin zuen, Atenasen kontrako kanpainak proposatuz edo behatuz. Espartan ere etsaiak sortu zitzaizkionean Pertsiara emigratu behar izan zuen. Han Tisafernes satraparen aholkularia izan zen harik eta haren aldeko atenastar politikariek Altzisiadesen itzulera lortu zuten arte. Altzibiades hainbat urtetan izan zen Atenaseko estrategoa baina arerioek, bigarrenez, hura kanporatu zuten. Siziliarako espedizioa Altzibiadesen ideia izan zen. Hala ere, aditu batzuek diote espedizioaren ardura Altzibiadesena izanez gero, eta ez Niziasena, atenastar armadaren hondamendia ez zatekeela gertatuko[1].
Espartarrentzat lan egiten zuen bitartean, Altzibiadesek zerikusi handia izan zuen Atenasen gainbeheran, hala nola, Dezeliaren atzematean, zenbait matxinada sortzean eta gainbegiratzean. Behin sorterrira itzulita, Espartaren kontra hainbat garaipen lortu zituen, zeinek Esparta Atenasi bakea eskatzera behartu baitzuten. Altzibiadesek ezohiko taktikak erabili zituen, zenbaitetan nahiago zuen hiriak traizioaren edo negoziazioaren bidez konkistatzea, setioaren bidez baino[2]. Altzibiadesen adimen militarra eta estrategikoa baliagarria izan zen hark lan egiten zuen edozein estaturentzat, baina etsaiak egiteko erraztasuna zela eta, ezin izan zuen luzaroan toki berean egon. Gerraren amaierako, K.a. 410ean, haren laguntzarekin lortutakoa ia ahantzita zegoen.