Amaryllidaceae

Amaryllidaceae
Irudi gehiago
Sailkapen zientifikoa
Erreinua	Plantae
Ordena	Asparagales
Familia	Amaryllidaceae J.St.-Hil. nom. cons.
Azpibanaketa
Agapanthoideae Allioideae Amaryllidoideae
Datu orokorrak
Gizakiak ateratzen dizkion produktuak	Amaryllidaceae alkaloids (en)

Amarillidazeoak (Amaryllidaceae) Asparagales ordenako landare-familia bat dira. Landare belarkara eta bizikorrak dira, erraboildunak edo errizomadunak. Familiak 1.600 espezie inguru ditu, 73 generotan banatuak, eta mundu osoan banatuta dago. Hiru subfamiliatan banatuta dago: amarillidideoak (Amaryllidoideae), allioideoak (Allioideae) eta agapantoideoak (Agapanthoideae).

Amarillidazeoek garrantzi ekonomikoa dute, baita kulturala ere. Espezie asko jangarriak dira (Allium generoa da garrantzitsuena: tipula [Allium cepe], baratxuria [Allium sativum], porrua [Allium ampeloprasum], tipulina [Allium schoenoprasum], eta abar). Allioideoek balio antiseptikoa dute, eta sendabelar gisa erabiltzen dira. Landare apaingarritzat erabiltzen diren espezieak ere ugariak dira, oso erabiliak lorategietan, hala nola nartzisoak (Narcissus sp.).