Anthony Hope

Anthony Hope
Irudi gehiago
Bizitza
Jaiotza	Londres, 1863ko otsailaren 9a
Herrialdea	Erresuma Batua  Britainia Handia eta Irlandako Erresuma Batua  1927ko apirilaren 12a)
Lehen hizkuntza	ingelesa
Heriotza	Walton on the Hill (en) , 1933ko uztailaren 8a (70 urte)
Hobiratze lekua	Church of St. Mary & St. Nicholas, Leatherhead (en)
Heriotza modua	berezko heriotza: laringeko minbizia
Familia
Aita	Edward C. Hawkins
Hezkuntza
Heziketa	Balliol College St John's School, Leatherhead (en)
Hizkuntzak	ingelesa
Jarduerak
Jarduerak	barristerra, idazlea, eleberrigilea eta legelari-poeta
Jasotako sariak	ikusi Knight Bachelor

Sir Anthony Hope Hawkins, (1863ko otsailaren 9a – 1933ko uztailaren 8a) idazle ingelesa izan zen. Ruritania deritzon alegiazko herrian girotutako lanek famatu zuten, eta batik bat The prisoner of Zenda eleberriak (1894). Erresuma horretan ere kokatu zituen The Heart of Princess Osra ipuin bilduma eta Rupert of Hentzau (1898) eleberria.

Hope Londresen jaio zen. Abokatu izateko ikasketak egin zituen eta langintza horretan jardun zuen 1894 arte.

1890ean bere lehen literatur lana osatu zuen: A Man of Mark. 1894an Westminster Gazette argitalpenak The Dolly Dialogues atera zuen aldian-aldian. Urte berean Zendako presoa kaleratu zuen, eta lortu zuen arrakastari esker idaztea lanbide bilakatzea lortu zuen. Eleberri eta antzerkirako testuak sortu zituen batik bat. Hor dira Nell Gwyn aktorearen bizitzaren inguruan osatutako English Nell eleberria, edo Sophy of Kravonia (1906), Zendako presoaren ildo bertsuko lana.

Lehen Mundu Gerran Britainiaren aldeko propaganda egitearren Sir titulua jaso zuen. 1927an bere autobiografia kaleratu zen: Memories and notes.

1933an Londresen hil zen eztarriko minbiziak jota.