Atmosfera (unitatea)

Atmosfera (atm) presio unitate bat da, Lurraren atmosferak itsas mailan egiten duen presioaren baliokidea dena.

Presio handiak neurtzeko erabili izan da, adibidez, gas konprimituena. Unitate hau ez da Nazioarteko Unitate Sistemaren parte eta ez du sinbolo aitortua, baina atm gisa laburtu ohi da.

1954ko Pisuen eta Neurrien X. Konferentzia Orokorrean honela definitu zen: presio-unitatea = 1 013 250 dina cm²-ko (hau da, 101 325 Pa).^[1] 0 °C-tan eta grabitate arruntaren azeleraziopean (9,80665 m/s²) dagoen 760 mm-ko altuerako merkuriozko zutabe baten presioarekin bat dator.

Atmosfera teknikoa (at sinboloa) ere presio-neurri zahar bat da. 10 metroko altuerako ur-zutabe batek eragindako presioa bezala definitzen da: 1 at = 98 066,5 Pa (balio zehatza).

1. ↑ Résolutions de la X Conférence Générale des Poids et Mesures. .