Bainujantzi

Bainujantzia igeritarako edo eguzkia hartzeko jantzia da^[1]. Sexu-organoak erabat estaltzen dituen arropa-jantzia da, eta igeri egiteko, bainatzeko edo eguzkia hartzeko erabiltzen da, hala nola hondartzetan, ibaietan edo igerilekuetan.

Gizonek, emakumeek eta haurrek hainbat motatakoak erabil ditzakete. Urpekaritza, surfa eta wakeboardinga bezalako neoprenozko jantzia behar duten kiroletan, bainujantzi bat barruko arropa gisa erabil daiteke. Bainujantziak ezaugarri fisikoak erakusteko ere erabil daitezke, hala nola edertasun- edo kulturismo-lehiaketetan, eta glamourreko argazki eta aldizkarietan.^[2]

Bainujantzi modernoen aukera zabala dago, eta aldatu egiten dira itxurari eta materialari dagokienez. Estiloaren aukeraketa gaur egungo moden eta lehentasun pertsonalen araberakoa izan daiteke. Aukera hori ere kontuan hartuko da, adibidez, eguzki-bainurako edo surf-txapelketarako bezalako jarduera baterako erabiliko den.

1. ↑ Harluxet Hiztegi Entziklopedikoa. Bainujantzi. .
2. ↑ (Ingelesez) Swimsuit. 2022-05-11 (Noiz kontsultatua: 2022-05-11).