Biblia

Biblia
Johannes Gutenbergen Biblia
Datuak
Idazlea	(K. a. X. mendea - K. o. II. mendea)
Generoa	Testu sakratuak
Jatorrizko izenburua	τὰ βιβλία
Hizkuntza	hebreera, aramera eta greziera
Euskaraz
Izenburua	Elizen arteko Biblia
Itzultzailea	Dionisio Amundarain (koordinatzaile), Elizen Arteko Biblia Elkartea
Argitaratze-data	1994, 2006
ISBN	84-88774-05-2

Biblia^[1] (antzinako grezieraz: τὰ βιβλία, tà biblía, «Liburuak») kristautasunaren eta, partzialki, judaismoaren, samariarren, rastafari mugimenduaren eta beste abrahamdar erlijioen idazki sakratu eta nagusiak biltzen dituen liburu-bilduma da. Erlijio horietako sinestunen ustez, Biblian Jainkoaren hitza jakinarazten da.

Bi atal nagusi ditu, Itun Zaharra eta kristauen Itun Berria. Itun Zaharrari Hebrear Biblia ere deitzen zaio. Itun Zaharreko testuak gehienbat hebreeraz idatzi ziren (zati batzuk arameraz), eta Jesus Nazaretekoa jaio aurreko Israelgo herriaren historia kontatzen duten liburuek osatzen dute. Kristauek ez bezala, hebrearrek ez dute Jesus Nazaretekoa Jainkoaren semetzat aitortzen; horregatik, ez dute Itun Berria liburu sakratutzat onartzen. Itun Berria hasierako kristau batzuek idatzitako hainbat idazkiren bilduma da, I. mendeko koine grezieraz idatzia; kristau idazle horietatik gehienak Kristoren jarraitzaile juduak zirela uste eta sinesten da. Kristau-sinesbideen artean ere desadostasunak daude, ea zer sartu behar litzatekeen kanonean, bereziki apokrifoei dagokienez.

1. ↑ EIMA: Eskola-liburuetako onomastikaren, gertaera historikoen eta artelanen izenak. Zerrendak