Chris Pratt

Chris Pratt
(2018) Irudi gehiago
Bizitza
Jaiotzako izen-deiturak	Christopher Michael Pratt
Jaiotza	Virginia, 1979ko ekainaren 21a (45 urte)
Herrialdea	Ameriketako Estatu Batuak
Bizilekua	Los Angeles
Familia
Ezkontidea(k)	Anna Faris  (2009 -  2018ko urria) Katherine Schwarzenegger  (2019 -
Seme-alabak	ikusi Jack Pratt (en) Eloise Christina Schwarzenegger Pratt (en)
Familia	ikusi Arnold Schwarzenegger (aitaginarreba)
Hezkuntza
Heziketa	Lake Stevens High School (en)
Hizkuntzak	ingelesa alemana
Jarduerak
Jarduerak	aktorea, telebista-aktorea, zinema aktorea eta ahots-aktorea
Parte-hartzailea Ice Bucket Challenge
Altuera	1,88 metro
Jasotako sariak	ikusi Saturn Award Izarra Hollywoodeko Ospearen pasealekuan
Sinesmenak eta ideologia
Erlijioa	kristautasuna
Alderdi politikoa	Kaliforniako Errepublikar Alderdia

Chris Pratt (Virginia, Minnesota, 1979ko ekainaren 21a - ) aktore estatubatuarra da. Telebistan hainbat lan egin ditu, adibidez Everwood, The O.C. edo Parks and Recreation telesaietan. Rae Dawn Chong aktore/zuzendariak aurkitu zuen. Guardians of the Galaxy (2014) eta Passengers (2016) bezalako filmetan protagonista izan baino lehen Wanted, Moneyball eta Zero Dark Thirty pelikuletan agertu zen.

Chris Pratt Virginian jaio zen. Hiru anaien artean txikiena da. Bera jaio eta laster bere familia Lake Stevensera (Washington) bizitzera joan zen. Han Prattek bere aktore-karrera hasi zuen, antzokietan paper txikiak antzeztuz. Geroago, egoitzaz aldatu eta Mauira (Hawaii) joan zen. Hor, Bubba Gump Shrimp Companyn zerbitzari bezala lan egiten ari zenean Rae Dawn Chong ezagutu zuen. Raek Chrisen itxura eta energia gogoko izan zituen eta berak zuzendutako Cursed Part 3 (2000) film laburrean parte hartu zuen. Momentu hartan hasi zen Chrisen benetako aktore-karrera: hainbat paper lortu eta Evenwood telesaian Bright Abbott izeneko pertsonaia antzeztu zuen 2002tik 2006ra.

Bere izena The O.C.ren aktoreen zerrendan agertu zen 2006tik 2007ra. Ondoren, nahiko famatua bihurtu zen klase bateko komedia paperengatik. Amy Poehler sitcom Parks and Recreation komedian parte hartu zuen 2015ra arte.

Prattek Strangers With Candy (2005), Wanted (2008), Jennifer's Body (2009) eta Bride Wars (2009) filmetan lanak egin ditu. Baita ere Moneyball (2011) Zero Dark Thirty (2012) eta The Lego Movieen parte hartu du. 2014an Guardians of the Galaxy film arrakastatsuaren protagonista antzeztu zuen. 2015an, Jurassic World pelikulan agertu zen. Bere azken lanetako bat Passengers filma (2016) izan da.