Denbora-zatiketa bidezko sarbide anizkoitz

Denbora-zatiketa bidezko sarbide anizkoitza (TDMA, ingelesez: Time Division Multiple Access) multiplexazio teknologia bat da, baliabide elkarbanatuko sareetan erabiltzen dena. Denbora-zatiketa bidezko multiplexazio mota bat da, zeinetan transmisore eta hartzaile bana izan beharrean, hainbat transmisore dauden. TDMAk hainbat erabiltzailek maiztasun kanal bera erabiltzea ahalbidetzen du, seinalea denbora-bitarte (ingelesez: time slot) desberdinetan zatituz.^[1] Era horretan, erabiltzaileek informazioa haien denbora tartean transmititzen dute, bata bestearen atzetik. Estazio desberdinak transmisio baliabide bera erabiltzeko gaitasuna eskaintzen du; horrek kanalaren kapazitatearen zati bat soilik erabiltzen baitu. TDMA dinamikoa TDMAren aldaera bat da, trafikoaren eskarian oinarritutako denbora-bitarteen erreserba dinamikoa egiten duena.

TDMA 2G sistema zelularretan erabiltzen da, komunikazio mugikorretako sistema orokorretan (ingelesez: Global System for Mobile Communications (GSM)), IS-136an, Personal Digital Cellularen (PDC), eta Digital Enhanced Cordless Telecommunicationseko(DECT) telefono mugikorrentzako estandarrean, besteak beste. TDMAren lehenengo erabilera satelite bidezko komunikazioetan izan zen, Western Unionen Westar 3 komunikazio satelitean, 1979an. Gaur egun, asko erabiltzen da satelite komunikazioetan,^[2][3][4] combat-net irrati-sistemetan eta sare optiko pasiboen (PON) gorako trafikoan.

1. ↑ Miao, Guowang. (2016). Fundamentals of Mobile Data Networks. (1st ed. argitaraldia) Cambridge University Press ISBN 978-1-107-14321-0. (Noiz kontsultatua: 2024-11-28).
2. ↑ Maine, K.; Devieux, C.; Swan, P.. «Overview of IRIDIUM satellite network» Proceedings of WESCON'95 (IEEE): 483.  doi:10.1109/wescon.1995.485428. (Noiz kontsultatua: 2024-11-28).
3. ↑ LOUIE, MING; ROUFFET, DENIS; GILHOUSEN, KLEIN. (1992-03-22). «Multiple access techniques and spectrum utilization of the Globalstar mobile satellite system» 14th International Communication Satellite Systems Conference and Exhibit (American Institute of Aeronautics and Astronautics)  doi:10.2514/6.1992-1929. (Noiz kontsultatua: 2024-11-28).
4. ↑ Sturza, M.A.. «The Teledesic satellite system» Proceedings of IEEE National Telesystems Conference - NTC '94 (IEEE): 123–126.  doi:10.1109/ntc.1994.316677. (Noiz kontsultatua: 2024-11-28).