Back متسلسلة زمنية Arabic Zaman sıraları Azerbaijani Времеви ред Bulgarian Sèrie temporal Catalan Temporal serie CBK-ZAM Časová řada Czech Tidsserie Danish Zeitreihenanalyse German Χρονολογικές Σειρές Greek Time series English
Estatistikan, denbora-segida, datu-serie kronologikoa edo serie kronologikoa aldagai bati buruz jasotako datu multzoa da, denboran zehar kokaturiko une ezberdinetan, gehienetan era erregularrean (egunero, urtero, ...). Adibidez, toki bateko eguneroko tenperatura maximoa, hilabeteroko auto salmenta eta haur baten urteroko garaiera denbora serie ezberdinak dira.
Denbora serie bat gehienetan beste edozein datu multzo bezala ikertzerik badago ere, denbora serie bat aztertzeko helburu bereziak daude: denbora seriearen bilakaera azaltzen duen egitura aztertzea eta denbora serieko aldagaiari buruz aurresanak egitea. Bi helburu hauek betetzeko, denbora seriea aztertzen duten ereduak eratu behar izaten dira. Denbora serieetarako ereduak aldagaiak une jakin batean hartzen duen balioa iragan gertuko uneetako balioekin loturik dagoela ezarri ohi dute aurretik.