Back Diamant Afrikaans Diamant ALS Diamant AN Daimọn ANN हीरा ANP ألماس Arabic الماز ARZ হীৰা Assamese Diamante AST Almaz Azerbaijani
 Diamante | |
|---|---|
 | |
| Ezaugarri orokorrak | |
| Kategoria | izaki > objektu > objektu material > physical substance (en)  > materia > solido > mineral > elementu natibo > karbono-silizio familia |
| Formula | C |
| Dana sailkapena | 1.3.6.1 |
| Nickel-Strunz sailkapena | 1.CB.10a |
| Sistema kristalino | kristal-sistema kubiko |
| Talde espazial | 227 talde espaziala |
| Talde puntual | kubiko-hexaoktaedral |
| Eponimoa | Invincible (en) |
| Identifikazioa | |
| Habitoa | oktaedroa |
| Esfoliazioa | {111} (en) {111} (en) |
| Fraktura | konkoidala |
| Gogortasuna Mohs eskalan | 10 |
| Errefrakzio indizea | 2,384 |
| Marra | zuria |
| Dentsitate erlatiboa | 3,51 eta 3,515 |
Diamantea (antzinako grezieraz, ἀδάμας–adámas–"apurezina") karbonoaren alotropo bat da, non karbonoaren atomoak kristal-egitura kubikoaren aldaera batean kokatuta dauden. Aldaera hori “diamantearen sarea” deritzon aldean zentratuta dago. Grafitoaren ondoren, karbonoaren bigarren eiterik egonkorrena da; hala ere, ingurune-baldintzetan, diamantetik grafitora bihurtzeko tasa baztergarria da. Ezagutzen den material naturalik gogorrena da, eta material gogorrenetan hirugarrena, diamantezko nanohagaxka agregatuen eta fullerita ultragogorraren ondoren. Famatua da bere atomoen arteko lotura kobalenteak itzelezko ezaugarriak ematen dizkiolako, are gehiago, diamantea da gizakiak ezagutzen duen gogortasunik, dispertsiorik eta eroankortasun termikorik handiena daukan minerala. Ezaugarri horiek baliatuz mozteko eta leuntzeko tresnak egiteko erabiltzen da diamantea, eta bitxigintzarako ere bai. Gogortasunak eta argiaren dispertsio handiak material egokia bihurtzen dute hainbat aplikazio industrialetarako eta bitxigintzarako.
Diamantea mineral arraroa da, karbono puruz osatua sistema kubikoan kristalizatua, tetraedroetan, ibaietako metaketetan edota harri-hobietan topatzen da. Bere pisu espezifikoa 3,5ekoa da eta munduan dauden material naturalen artean gogorrena da.
Harribitxi-kalitatea dutenak oso preziatuak dira distirarengatik eta beren alde poligonalek argia errefraktatzeko duten ahalmenagatik. Diamanteen pisua kilatetan neurtzen da (kilate bat 0,2 g dira).