Egagropila

Egagropilak txoriek irentsi bai baina digeritu gabeko materialez osaturiko pilotak dira, txoriek atzera ahotik egozten dituztenak. Txoriak identifikatzeko erabil daitezke, haien elikagaia zer den salatzen baitute, besteak beste.

Pilota horien edukia hegaztiaren elikadura ohituren araberakoa da, baina orokorrean hezur zatiak, ilea, larru zatiak, oskolak, landareen zati gogorrak, lumak... izaten dira.

Egagropilak ohikoak dira batez ere hegazti harraparien artean, hontzen eta saien kasuan, adibidez. Lixeritu ezin dituzten materialak kanpora botaz lixeriketa aparatuaren butxadurak ekidin eta bakteria kaltegarriak kanporatzen dituzte.