Eiffel dorrea

Eiffel dorrea
Tour Eiffel
Monumentu historikoa
Senaren ibaiertzak
Egunez   Gauez   Barnealdea   Sarrera  Irudi gehiago
Kokapena
Estatu burujabe	Frantzia
Udalerrien arteko lankidetzarako erakunde publikoa	Paris Handiko metropolia
Territorial collectivity of France with special status	Paris
Udalerri barrutia	Parisko 7. barrutia
Koordenatuak	48°51′30″N 2°17′40″E / 48.858296°N 2.294479°E / 48.858296; 2.294479
Historia eta erabilera
Irekiera	1887ko urtarrilaren 28a
Inaugurazioa	1889ko martxoaren 31
Jabea	Frantziako Gobernua Parisko Udala
Kudeatzailea	Société d'exploitation de la tour Eiffel
Komisarioa	Gustave Eiffel
Izenaren jatorria	Gustave Eiffel
Erabilera	erakargarri turistikoa Tximistorratza Transmisorea itsasargia
Arkitektura
Arkitektoa	Stephen Sauvestre
Eraikitzailea	Gustave Eiffel
Egitura ingeniaritza	Émile Nouguier Maurice Koechlin
Materiala(k)	burdina forjatua, altzairua eta puddled iron (en)
Dimentsioak	altuera arkitektoniko: 300 () m gehienezko altuera: 330 () × 324 () m
Solairuak	3
8
Ondarea
Mérimée ID	PA00088801
Bisitariak urtean	6.207.303
Webgune ofiziala

Eiffel dorrea (frantsesez: Tour Eiffel) Parisen dagoen burdina forjatuzko dorre garai bat da, antenaren puntaraino 330 metro luze dena, Gustave Eiffel ingeniaria buru zela 1889ko Nazioarteko Erakusketarako eraikia.^[1] Marteren Zelaiaren muturrean kokatua, Sena ibaiaren ertzean, Parisko monumentu hau, Frantziaren ikurretako bat eta Parisen ikur nagusia da,^[2] eta hiriko egiturarik altuena. Sarrera ordainduak hartzen dituen munduko monumentu bisitatuena ere bada, urtero 7,1 milioi turista baititu.^[3] Inauguratu zenetik, 300 milioi bisitari baino gehiago izan ditu.^[4] Dorrearen egitura arkitektonikoak 300 metroko garaiera duelarik (geroago antenekin 330 metroraino luzatua), Eiffel dorrea munduko egiturarik garaiena izan zen 41 urtez. Hirugarren solairuko bigarren maila (batzuetan laugarren solairua deitua), 279,11 metroko garaieran dagoelarik, Europar Batasunean jendearentzat irekita dagoen behatoki plataforma garaiena da; eta Europa osoko bigarrena, Moskuko Ostankino dorrearen ondoren.

Bi urte, bi hilabete eta hiru egunean eraiki zen, eta berehala berebiziko eztabaida sortu zuen garaiko artisten artean, burdinazko munstrotzat ikusten baitzuten. 1889ko eta 1900eko Erakusketa Unibertsalen ondoren, Frantziako Armadak erabili zuen komunikazio antenekin probak egiteko; eta, gaur egun, erakarpen turistikoaz gain, irrati eta telebista igorletzat erabiltzen da.

1. ↑ (Frantsesez) Loyrette, Henri. Gustave Eiffel. Office du Livre S.A. 1986.
2. ↑ Otaolaurretxi, Jon. (1989/05/01). Eiffel dorrea, Pariseko ikur. Elhuyar aldizkaria.
3. ↑ (Frantsesez) «Tour Eiffel et souvenirs de Paris» Le Monde.^{[Betiko hautsitako esteka]}
4. ↑ (Frantsesez) «Paris : la tour Eiffel fête ses 300 millions de visiteurs» Franceinfo 2017-09-28.