Eric Clapton

Eric Clapton
(2017) Irudi gehiago
Bizitza
Jaiotzako izen-deiturak	Eric Patrick Clapton
Jaiotza	Ripley (Surrey), 1945eko martxoaren 30a (79 urte)
Herrialdea	Erresuma Batua  Ameriketako Estatu Batuak
Familia
Ezkontidea(k)	Pattie Boyd (en)  (1979 -  1989) Melia McEnery (en)  (2002 -
Bikotekidea(k)	ikusi Lory Del Santo Yvonne Kelly (en)
Seme-alabak	ikusi Conor Clapton (en)
Hezkuntza
Heziketa	Kingstoneko Unibertsitatea The Hollyfield School and Sixth Form Centre (en)
Hizkuntzak	ingelesa
Jarduerak
Jarduerak	gitarra-jotzailea, egile abeslaria, musikagilea, jazz musikaria, abeslaria eta estudioko musikaria
Parte-hartzailea Live Aid (en) The Concert for Bangladesh (en)
Lateralitatea	eskuina
Jasotako sariak	ikusi Rock and Roll Hall of Fame  (2000) Britainiar Inperioko Ordenaren komendadorea  (2004) Karrera artistikoari Grammy saria  (2006) Silver Clef saria
Kidetza	Cream The Yardbirds John Mayall & the Bluesbreakers (en) Blind Faith (en) Derek and the Dominos The Dirty Mac (en)
Izengoitia(k)	Slowhand
Genero artistikoa	rock bluesa blues rock rock psikodelikoa jazz fusion (en) hard rock
Musika instrumentua	gitarra ahotsa
Diskoetxea	Warner Bros. Records Atco Records Polydor Records
ericclapton.com

Eric Patrick Clapton Shaw (Ripley, Surrey, Ingalaterra, 1945eko martxoaren 30a) rock eta blues gitarra-jotzaile eta abeslari ingelesa da. Slowhand ezizenez ezagutzen dute, euskaraz "esku motela" esan nahi duena.

Eric Claptonek The Yardbirds, The Bluesbreakers, Cream, Blind Faith, Delaney & Bonnie eta Derek & The Dominos taldeetan jo du, eta gaur egun bakarlari bezala jotzen du. Gogokoen duen gitarra elektrikoa Blackie izeneko Fender Stratocasterra da. Berak eraiki zuen hainbat stratocastersen piezekin.

Bere azken lanetan Robert Johnson blues musikaria omentzen du, bere musika ibilbidearen eragile handientzat dauka.

Rolling Stone aldizkariak Garai guztietako 100 gitarra-jotzailerik onenen zerrendan 4. postuan jarri zuen, eta 53. postuan "100 Artista Handienen zerrendan".^[1] Rockaren Ospearen Aretoko kide da Clapton, hiru aldiz; Creamek eta The Yardbirds-eko kide izateagatik eta bakarkako ibilbideagatik.

Bere musika-estiloak hainbat aldaketa izan ditu ibilbidean zehar, baina bere erroak beti izan dira lotuta bluesarekin. Berritzailea izan da bere ibilbideko hainbat etapatan: blues rocka eginez John Mayall's Bluesbreakers eta The Yardbirds taldeekin, eta rock psikodelikoa Cream taldearekin. Horrez gain, hainbat estilo jo ditu bakarkako etapan; Delta blues Me and Mr. Johnson abestiarekin, pop "Change the World" abestiarekin edo reggae Bob Marley-ren "I shot the Sheriff" abestiaren bertsioan. Ziurrenik arrakasta handiena Layla abestiarekin lortu zuen, Derek and the Dominos taldearekin ibili zenean.

1999. urtean Crossroads Guitar Festival sortu zuen. Kontzertu benefiko modukoak dira, eta Crossroads Centre izeneko drogazaletasunaren tratamendurako zentrorako dirua biltzen dute Antigua uhartetik.

1. ↑ rollingstone.com - Garai guztietako 100 gitarra-jotzailerik onenen zerrenda