Back عزل مدرسي Arabic Segregació escolar Catalan Segregovaná škola Czech School segregation English Segregación escolar Spanish Ségrégation scolaire French Iskolai szegregáció Hungarian

Eskola segregazio

Venn diagrama pedagogian ohikoak diren zenbait termino grafikoki irudikatzeko: Esklusioa, erabateko bazterkeria, pertsona batzuk eskola sistematik kanpo uzten dira; Segregazioa, talde jakin batzuentzat eskola sistema berezituak edo talde berezituak sortzen dira; Integrazioa, talde jakin batzuei lekua egiten zaie, nolabait, eskola sisteman, eta egokitzapen batzuekin sisteman txertatu egiten dira, eta Inklusio, eskola inklusiboa non eskola sistema osoak egokitzapenak egiten ditu inor kanpoan ez uzteko.
Ghetto eskola esaten zaie, kokatuta dauden inguruan dagoen maila sozioekonomikoarekin konparatuz, espero den maila sozioekonomikoa baino nabarmen baxuagoko maila duten ikasleak biltzen duten eskolei; "pobreentzako" eskolei.
The Long Eaton School-eko kanpoko kiroldegiko hesi bat. Ikastetxe oso garestietara ahalmen ekonomiko oso handiko familietako ikasleak bakarrik joan daitezke. Horrelakoei eskola elitista edo bunker eskolak esaten zaie.[1][2]

Eskola sistema batzuetan ikasle mota jakin batzuek jasaten duten bazterkeriari, sistematikoa denean eta denboran jarraikita denean, eskola segregazioa deitzen zaio. Bazterkeria hori normalean egoera sozioekonomiko ahulenetan dauden ikasleek jasaten dute.

Ezaugarri jakin batzuengatik —ekonomikoak[3][4], linguistikoak[5], generokoak[6], erlijiosoak[7][8][9], jatorri geografikoak[10][11][12], jatorri etnikokoak[13]— leku jakin batean talde bat batzen denean erabiltzen da eskola segregazio kontzeptua.

Gizarteetan ez dago inoiz banaketa perfekturik, populazio taldeak ingurune jakin batzuetan biltzen direlako, baina, bereizketa gehiegizkoa bada, segregazioaz hitz egiten da. Hala da eskoletan ere; esate baterako, jatorri atzerritar eta egoera ekonomiko ahuleko ikasle asko batzen dituen ikastetxe bat. Horiek ghetto eskolak gisa izendatzen ditugu, baina bada beste aldea ere: bunker eskolak, klase altuko eta aberatsetako kideen eskola elitistak.[1]

Eskola segregazioa sustatzen duten eskola sistemek hainbat prozedura erabili ohi dituzte segregazioa sustatzeko, batzuetan diskurtso ofizialetan aldarrikatzen denaren kontrakoa eginez. Segregazioa sustatzen da ahalmen ekonomiko txikien dauzkaten familietako ikasleak eskola jakin batzuetara bideratzen, hainbat prozedura erabiliz, batzuetan agerikoak, beste batzuetan ez hain agerikoak. Bazterkeria eskola batzuen barru-barruan ere gerta daiteke, ikasle jakin batzuk ikasgela jakin batzuetara bideratuz.

  1. ↑ a b Ramirez de Okariz Kortabarria, Amaia. ««Dikotomiatik at, eztabaidaren norabidea aldatu behar da»» Berria (Noiz kontsultatua: 2022-06-05).
  2. ↑ Orzaiz, Ion. ««Desagertu behar dute bai eliteko bunkerrek eta bai ghettoek»» Berria (Noiz kontsultatua: 2022-06-05).
  3. ↑ Barquin, Amelia. «Utikan, behingoz, eskola segregazioa» Berria (Noiz kontsultatua: 2022-06-05).
  4. ↑ (Ingelesez) Meatto, Keith. (2019-05-02). «Still Separate, Still Unequal: Teaching about School Segregation and Educational Inequality» The New York Times ISSN 0362-4331. (Noiz kontsultatua: 2022-06-05).
  5. ↑ Maruri Bilbao, Ibai. ««Hizkuntza ereduen sistemak segregazioa indartzen du»» Berria (Noiz kontsultatua: 2022-06-05).
  6. ↑ Gallastegi, Juana Lopez de Munain eta Resu Abasolo. «Segregaziotik bazterkeriara» Berria (Noiz kontsultatua: 2022-06-05).
  7. ↑ Amuriza, Miren. «Segregazioa» Berria (Noiz kontsultatua: 2022-06-05).
  8. ↑ (Ingelesez) «New types of religious state school deepen segregation» The Economist ISSN 0013-0613. (Noiz kontsultatua: 2022-06-05).
  9. ↑ (Ingelesez) Smith, Alan. (2001). «Religious Segregation and the Emergence of Integrated Schools in Northern Ireland» Oxford Review of Education 27 (4): 559–575. ISSN 0305-4985. (Noiz kontsultatua: 2022-06-05).
  10. ↑ Maruri Bilbao, Ibai. «Araban, ikasle atzerritarren %91 eskola publikora bidali dituzte» Berria (Noiz kontsultatua: 2022-06-05).
  11. ↑ Iraola, Arantxa. «Lehen Hezkuntzako zentro publikoetan atzerriko jatorridunak dira ikasleen %22,8; itunpekoetan, %9,6» Berria (Noiz kontsultatua: 2022-06-05).
  12. ↑ Iraola, Arantxa. ««Desoreken» erretratu berria» Berria (Noiz kontsultatua: 2022-06-05).
  13. ↑ Indurain Eseverri, Javier. «Arraza segregazioa eskolan» Berria (Noiz kontsultatua: 2022-06-05).
From Wikipedia, the free encyclopedia · View on Wikipedia

Developed by Nelliwinne