Eter (mitologia)

Eter (mitologia)
Antzinako Erromako erlijioa eta Antzinako Greziako erlijioa
Ezaugarriak
Sexua	gizonezkoa
Familia
Aita	Erebo
Ama	Nix
Ezkontidea(k)	Hemera
Seme-alabak	Talasa, Aura (en) , Gaia, Urano, Aergia (en) , Eros, Dione, Altercatio (en) , Dolos (en) eta Dolor (en)
Anai-arrebak	Hemera

Greziar mitologian, Eter edo Aether (Αἰθήρ, Aíthếr, αἵθω aíthô hitzetik, "erre") Greziar mitologiako jatorrizko jainkoetako edo Protogonoetako bat zen; "zeru gorena", espazioa eta paradisuaren pertsonifikazioa. Jainkoek arnasten duten aire altua, garbia eta distiratsua da, hilkorrek arnasten zuten Lurreko ἀήρ aếr edo airearekin kontrastatuz.

Soilik Ereboren semea zen, edo, iturrien arabera, baita Nixena ere, eta Hemeraren neba, honekin elkartuz, eta, elkarrekin, Higinoren arabera, Gea, Urano eta Ponto izanez. Aristofanesen arabera, bere kabuz, lainoetako lamien, nefeleen aita ere izan zen. Eterra, munduko arima zen, eta bizitza guztia, beragandik irteten zen. Nixek, Ereboren laino ilunak eramaten zituen zerutik, mundura gaua eramanez eta Eterra ezkutatuz, Hemerak, eguna ekarriz, kentzen zituen bitartean. (Antzinako teogonietan, eguna eta gaua, eguzkiagandik independenteak zirela uste zen).

Beste iturri batzuk, Kaosetik sortu zela diote. Orfismoak, Eter, Kronos eta Anankeren semea zela zioen.

Aetherra, Zeusen harresi defentsiboa bezala ere ezagutzen zen, Tartaro kosmosetik kanpo giltzapetuta uzten zuen hesia.