- Artikulu hau Euskararen Gaitasun Agiriari buruzkoa da; beste esanahietarako, ikus «EGA (txartel grafikoa)».
Euskararen Gaitasun Agiria (EGA) pertsona batek euskaraz ahoz zein idatziz aritzeko trebetasuna duela, eta euskara batuaren ortografia eta arauak ezagutzen dituela erakusten duen ziurtagiria da. EGA lortzeko, hiru proba edo azterketa gainditu behar izaten dira: atariko proba, azterketa idatzia eta ahozko azterketa, ordena horretan. Proba bat egin ahal izateko aurrekoa gainditzea ezinbestekoa da.
EGA ziurtagiria ALTEko (Association of Language Testers in Europe) partaidea da. Hizkuntzetarako Europako Erreferentzia Esparru Bateratuari erreparatuz, EGA azterketa C1 mailaren parekoa da.
Euskal Herriko erakunde hauek banatzen zuten EGA: Eusko Jaurlaritzak Euskal Autonomia Erkidegoan, Nafarroako Gobernuak Nafarroako Foru Erkidegoan eta Euskaltzaindiak Ipar Euskal Herrian. 2019an Araban, Bizkaian eta Gipuzkoan EGA Euskara Gaitasun Agiriaren azken azterketa egin zuten. Aurrerantzean, euskara maila hori frogatu nahiko dutenek HABEren C1 azterketa egin beharko dute EAEn, nahiz eta Nafarroan eta Iparraldeko eskualdeetan EGA mantendu.[1]
- ↑ Aipuaren errorea: Konpondu beharreko erreferentzia kodea dago orri honetan:
ez da testurik eman
Berriaizeneko erreferentziarako