Back Festival de Jazz de Vitòria Catalan Festival de Jazz Vitoria-Gasteiz German Vitoria-Gasteiz jazz festival English Festival de Jazz de Vitoria Spanish Festival de jazz de Vitoria-Gasteiz French
Gasteizko Jazzaldia Gasteizen (Araba) 1977. urteaz geroztik uztailaren erdialdera edo bigarren hamabostaldian egiten den jazz jaialdia da. Iñaki Añua izan zen 40 urtez ekimenaren zuzendaria eta sustatzaile nagusia.[1]
Bere historian, Gasteizko Jazzaldiak mundu osoko jazz musikari garrantzitsuenak izan ditu agertokian.
Jazzaldiko egunetan, jam session-ak izaten dira hiriko areto zein tabernetan, eta zenbait jazz taldek kalean jotzen dute New Orleansko estiloari jarraituz. Kontzertu nagusiak Mendizorrotzeko kiroldegian izan ohi dira.
Principal antzokian 21. Mendeko Jazza izeneko jazz garaikideko zikloa egiten da.
Gainera, Jazzaldiaren hainbat ediziotan, jazz ikasleentzako mintegiak eskaini izan dira.
