Gore Vidal

Gore Vidal
Irudi gehiago
Bizitza
Jaiotza	West Point, 1925eko urriaren 3a
Herrialdea	Ameriketako Estatu Batuak
Lehen hizkuntza	ingelesa
Heriotza	Hollywood Hills, 2012ko uztailaren 31 (86 urte)
Hobiratze lekua	Rock Creek Cemetery (en)
Heriotza modua	berezko heriotza: pneumonia
Familia
Aita	Eugene Luther Vidal
Ama	Nina S. Gore
Ezkontidea(k)	Howard Austen
Bikotekidea(k)	ikusi Howard Austen
Hezkuntza
Heziketa	Phillips Exeter Academy (en) Sidwell Friends School (en) St. Albans School (en)
Hizkuntzak	ingelesa
Jarduerak
Jarduerak	antzerkigilea, aktorea, gidoilaria, eleberrigilea, saiakeragilea, idazlea, literatura-kritikaria, saiakeragilea, zientzia-fikzio idazlea, politikaria, kazetaria, prosalaria, iritzi-kazetaria eta autorea
Lan nabarmenak	ikusi Myra Breckinridge (en)
Jasotako sariak	ikusi National Book Award  (1993) Edgar Awards  (1955) Arte eta Letren zalduna National Book Award  (2009) National Book Critics Circle Award in Criticism
Kidetza	Ameriketako Estatu Batuetako Arte eta Letren Akademia Writers Guild of America, West (en)
Mugimendua	postmodern literature (en)
Izengoitia(k)	Edgar Box
Genero artistikoa	saiakera drama
Zerbitzu militarra
Adar militarra	Ameriketako Estatu Batuetako Itsas Armada
Parte hartutako gatazkak	Bigarren Mundu Gerra
Sinesmenak eta ideologia
Erlijioa	ateismoa
Alderdi politikoa	Ameriketako Estatu Batuetako Alderdi Demokrata

Eugene Luther Gore Vidal (West Point, New York, 1925eko urriaren 3a, Los Angeles, Kalifornia, 2012ko uztailaren 31) idazle estatubatuarra izan zen. Eleberriak, antzerki lanak, zinemarako gidoiak eta saiakerak sortu zituen. 1948an argitara eman zuen The City and the Pillar eleberria XX. mendeko nobelagintzan mugarrietako bat izan da. Ameriketako Estatu Batuetako gobernuaren politikarekiko jarrera kritikoa agertu ohi zuen inongo konplexu barik.

1993an Estatu Batuetako Liburu-Sari Nazionala eskuratu zuen, "United States Essays, 1952-1992" saiakera liburuengatik.

West Point militar ikastegian jaio zen, non aita hegazkin-irakaslea baitzen. Gaztetxo zenetik literaturak eta politikak erakarri zuten, amaren aldeko aitona Thomas P. Gorek eraginik, Oklahomako senatari izan baitzen, eta harekin bizi izan baitzen 10 urte zituela gurasoek dibortzio egin zutenez geroztik.

Exeter, New Hampshireko Phillips ikastegian burutu zituen ikasketak, 1943an graduatu baitzen, eta hamazazpi urte zituela armadan sartu zen, non zerbitzu eman baitzuen II. Munduko Gerran.

19 urterekin, Ozeano Barean zela, "Williwaw" idatzi zuen, haren lehenengo eleberria, 1946koa, eta bi urte geroago kritikarien txaloa jaso zuen "The city and the Pillar" lanarengatik, protagonista homosexuala izaki, urte inguru haietan zeresan handia emandako lana.

1952an "The Judgment of Paris" elaberria idatzi zuen, eta ondoren urte sail bat idazteari utzita eman zuen, bitartean Hollywoodeko estudioentzat lan egiteari ekin baitzion.